很愛這張相呢~~ 因為當日我很enjoy 在這裡咁relax 飲咖啡~
大囡響而家呢間CHILD CARE CENTER 已進入最後幾星期階段。
其實, 呢間真係好近屋企,只係行幾分鐘就到。
但我地好不滿校方對我地大囡既安排。
我大囡已係一歲1個月就入讀,去到升班上3-5歲既課室時,佢一直話未有位俾我囡升~
我分2-3次問過~問點解佢而家3 歲, 而家已3 歲幾, 已3 歲半都仲未升??
佢話因為有好多小朋友係4 歲,要俾4 歲既讀左先~
除非有人退學,當時,我唔識反駁問返校方,我囡咁早已入學,應該係有留位俾我囡升班,而唔係不停接收新生插班生,到我囡到左升班既歲數,你就話冇位,咁我覺得對我囡真係唔係幾公平。
係去到差不多我囡3歲7 個月,校方會就住3-5歲班(WOMBAT ROOM)課室既人數,如果當日有人病假,早退,我囡就有時會入Wombat room, 另外,有時冇得入wombat room 就會派點工作紙俾我囡做吓,但係上堂既玩具,課程,故事,圖工,都係以2-3歲班為主。
兩歲同我囡3 歲幾, 無論響表達,學習,能力,社交等已相差好遠的了~
所以,對於校方咁既安排,我其實好不滿。我自己會覺得小朋友0-6歲,吸收力好強,呢一年要大囡有呢個學校既安排,係有少少浪費左。好想轉校。
幸好, 學校既老師對Courtney 幾好既~ 佢亦識左好多小朋友,佢幾接受學校既野食。
好啦~ 講返未來既安排,Courtney 會去附近既蒙特梭利學校上課,都係安排佢一星期返兩日,呢間亦都係全日班, 開放7-6 點,但我相信都係多數,早上爸爸車佢返學校,放學,我地3,4 點湊返佢。
呢間學費差不多, 但要自己帶lunch box,我就會要做多樣野俾佢帶返學校食,但聽說,那麼小朋友會多左機會學懂自己點開食物盒,點去進食食物盒內既食物。
因聽說有些幼兒中心,如果提供埋食物,但某些小朋友去到小學上kindy 既時間,一到lunch time, 反而, 開lunch box 既skill~~
或者,正面地想, 都係俾我好好既嘗試,點整lunch box 俾大囡, 有多點心得,將來佢上kindy ,大家都有多點準備。
另外,呢間學校設備都幾好,所有老師都有教蒙特梭利既證書,距離都可以行到去既~大約行15分鐘左右~~
講完大囡嘞~~
細囡暫時唔會返學住, 等到大約3 歲半先返~ 到時大囡已5 歲,會上小學內的kindy
咁有同老公傾過,我幾時返工呢? may be part time~? 佢意思係等細囡都上小學先,即係細囡5 歲時,大囡6 歲半,即係2017年我可能要返工嘞~
噢~~所以, 而家我會盡量享受吓做full time mum 既樂趣,因為唔係好多人可以有機會做full time mum~~~
哈哈~
很愛去不同的cafe, 老公呢幾年間都愛上飲咖啡,連5個囡都愛食馬卡龍飲babyinloo
呢間響鬧市之中既courtry yard fell 既cafe~~ 好唔錯~
我地呢排又開始去睇屋。
悉尼既樓市都升得好多吓。去年既前日,我地剛俾訂金,之後一直有(原屋主)住客租用~~而家剛租左一年了~~
而家物色多間屋~
仲有就係11月會返香港~~ 機票日期已定~~
仲有我呢排脾氣好左~~
之前有一排,我好易對老公發脾氣,而家諗落真係傻~~ 有時係因為下午老公要響前後園打理花園幾小時, 咁我就覺得自己要一湊二~~ 我就會唔開心。
我還是喜歡愛笑~~溫柔既自己多點~~
打住咁多先~ 今日又會同supermum 去西人鄰居penny 既house ~~ 聚一聚~ 俾小朋友玩吓~