積極運動既一個月

最近這兩三個月已積極做運動，10月做了13日, 11月是12日。
需要一個月都冇一半日子做運動，但正面想法是那又如何啊~
能夠湊兩個囡加打理屋企仲可以的起心肝去做運動已很不錯。

和老公的關係慢慢修好，努力經營呢頭家。

不知最近是否經常留意樓市, 前天發夢，老公很開心拖著兩個囡圍圈跳舞。
他說我知買了另一間house 3 房的。
但最攪笑是35萬。
當時都唔信, 點可能會有35萬既House~~

之後被妹妹喊聲嘈醒了~~

最近想買個八達通套~要有條帶的那種，但澳洲唔覺有~ 見到淘寶有，家人又忙~ 幫唔到我~
糾結中~~

十週年又如何?

已經一大段時間沒有打blog, 其實, 心中一直有話想吐，只是不知由那裡開始說起。

話說2月的有一天，老公因為我的說話而令他不開心，於是，他整天不作聲，起初，我不知道他是不快的，但由中午至晚上都不出聲，耐小朋友睡覺後，我問他是否有什麼事，他說告訴我原因，而我也和他說，有問題應該提出，而不是唔出聲的，好多婚姻出現大問題前都是由這些原因做成。

好了~~
他說: 你說得對, 以後，有問題，我會直接說。

由那天開始，我發覺我不知不覺聽到他表達對我的不滿了~~

分別是:
我對他的說話語氣差。要我客氣點。
(我都唔覺有語氣差既問題，但佢接受唔到，我會盡量客氣)

放物品在廚房，洗手間，放杯，放碗要細聲。(已積極改善~~我老公係直情閂門都唔會有聲既一個人)

唔識分咩叫安全。


閂櫃門時要完全閂上。

仲話發覺星期日唔出街既話，我就會講野令佢唔開心。

去街前唔會同佢講去邊。去完街後, 佢係響facebook見到我既相或晚上我地提起佢先知我有出街。

我發覺大家既思想原來係有咁大既落差。

我覺得冇問題既野，響佢眼中，會變成大問題。
我好抗拒佢話我將佢既星期日攪到唔開心，而家每星期六日到臨，我都好唔自然，因為我怕佢又怪罪於我。

一對情侶也好, 一對夫妻也好，我沒有主動說你知我去了那裡，那你都可以問問吧。
唉~~
我本來以為大家是想法都差不多，我是因為今年或小朋友出生後，才發覺
原來大家思想是不一樣。

但當然，這段婚姻是會繼續的，即使再找，也不容易找到個會幫手做家務的另一半。

11月12日那天是我結婚10週年(香港擺酒)，但11月11日亦被他"訓話" ---
咁多年來，出街冇交帶。

所以11月11日，就是我喊到眼腫的一天。
當然唔係因為呢一件事喊, 而家自從2月開始，佢就講出佢發覺既問題...
我發現我唔理解佢~ 或者佢都唔理解我~~

我都惱他，為什麼一定要11號才說~~ 11月12日他放工送了盒玫瑰給我，
說真的，感覺不太甜蜜，但願感情不會沖得太淡吧~~

我嘗試改變自己來想法，如果想在這個家共同走下去...

感謝我的照顧

上星期老公唔舒服，所以，有兩天是星期二, 星期三他返了半日工就回家休息。

星期六晚，他說星期日一起去飲茶。

話因為我響佢病時, 照顧佢咁辛苦。其實，那兩天又不是太辛苦，只是因為一星期勁落雨, 兩個囡可能少了outdoors 活動，她們是比較摟計就是真的。

所以, 這因為這樣我會比較激氣。

但好像今天，她們在pregola 現畫紙巾盒，又在家中畫畫，玩玩具，又寧靜一點, 這樣我又舒服少少了。

其實，我唔係特別喜歡響呢度飲茶，或者已到左唔係咁鐘意去飲茶，因為一諗起好易食肥就怕左嘞~~

我提議去食西式早餐，坐舒服少少, 輕鬆少少。

之後, 順便帶她們去新的公園放電，剛好我又穿運動裝，我都有運動。雙重得益呀!

我的呢度讀書既一位好朋友響下星期就會去布里斯本定居嘞~

我好難去理解明白，一對夫婦，一家3 口，但老公同個老婆任何大小事都想法唔同，經常意見不合，價值觀又完全不同，作為老婆會選擇長時間和老公分居來生活。

這樣的生活可以過幾多年呢?而女兒就一直沒有爸爸在身邊生活...

我明白，為什麼會說最怕嫁錯郎。

穩定的生活(2)

上星期，在網上打執屋兩字，我發現了原來有個作者出左本封屋的書，而本書賣得好勁，作者係近籐麻理惠。

於是，一口氣叫老公幫我買下她3 本書，老公問係咩書~~我話係執屋~

執屋都要買書參考?!?!??!??!?!



當下我無言以對，但希望用日後行動來證明我無買錯!!

暫時已執了老公的t shirt , 內衣褲，socks, 佢好似幾滿意~!!!

仲有我自己的衣服, 兩個囡的衣服預備開始執。

希望可以有一個住得更舒適的家。

這陣子，心情已很不錯，因為每星期都有兩天自由時間，自己會可以有獨處的機會，

右手邊的是她建議每樣物品如何安排，如何放好。

中間的一本是解釋了右手邊的一本，為什麼你是跟她的方汰呢?!

為何全屋物品一定要執衣服先呢.................

中間的一本很多文字，大家有心理準備，但我自己覺得都係有用既~

而最左手邊的一本是，響執野時,會有遲疑，會有內疚，因你會掉好多野，

但這本書是給你的支持。

暫時我未看完，但已開始執了~

穩定了的生活和我的自我檢討

自10月開始，casey 妹妹和姐姐一起返學兩天，每星期二, 星期三是我的自由時間。

10月時因為姐姐每星期三都要返小學2-3:00(高班課程)預備班，所以，我要一點咁上下要去接她們，如果遲左去, 就會泊車泊到遠的地方。因此，我寧願時間上鬆動一點。



10月某天，中午已去湊兩個囡參加一個create yours plant 比賽。

這是大囡的。我幫她改名: pinky rosy

這是細囡的。我改名"twinkle twinkle"

她們兩個同時是3-5歲一組。

但最後是妹妹得獎。

經過這個比賽，令我學到一樣自己忽略的事。

這個比賽由5 間圖書館合辦。宣傳單張有一張說明"本比賽準則:材料用圖書館提供的物料。著重小朋友的創作性和小朋友自行原創"。

那就是暗示，唔希望家長幫手. 是嗎?!!

去到的時間，我就見到家長幫手。所以，我起初有提醒兩個囡去拿一些物料，又有建議她們盡量塗上顏色。

因為見到很多家長都著手去幫小朋友，我又不知不覺有幫我的囡了。

大囡的作品，粉紅色圍邊的花瓣是我加的。

細囡個性很強，她基本上不讓我去幫她在作品上加什麼。她會潑開我的手的。

結果...個多星期後，收到圖書館打來的電話，是casey 獲得第二名。

(我有點不能相信，因為casey 當天沒有耐性去創作，她只用了10分鐘去整, 之後就跑去玩~~)

其實，兩個囡無論是誰獲獎，我都會高興。但我有點自責的是，我不應該去幫大囡去創作，即使是我著手幫她, 作品是比較好看，但那是她的作品，我當時要做的只是鼓勵，觀察，適時讚賞就可以...

當天，我們有和其中一個評判傾計，她說她們幾個是評判中，是很著重作品是否小朋友的自創，如果有家長幫忙，就已經不考慮有獲獎的可能。

那又的確是公平喎~!!

這次的經驗，令我明白不可以人云亦云。要尊重小朋友的創作。

這次是很好的提醒，感恩我可以有一下自我反思的機會。

Casey 得獎?!

上星期三，我提早放學一湊二帶左兩個囡去圖書館參加比賽。

比賽主題係create your plant，, 由圖書館提供物料，小朋友去製作自已心中的植物。

分開兩個組別: 3-5歲, 6-12歲

個比賽terms and conditions 寫左每個小朋友都只可參加一次，而且，係要自己創作，all entries must be your child's original work. 

即係唔想家長幫手。

記得當日離開圖書館時, 已開始落雨，之後，去到巴士站坐巴士返屋企，仲行雷又閃電，落車後, 我地要響巴士站避雨。

當時真係好大雨，我又冇帶遮。

我地3 個坐響巴士站食餅等停雨。

因為突然轉天氣，又大風大雨，連我都覺得凍，大囡都話凍~~

好在心中祈禱後，10分鐘之內，竟然停雨。

於是，我地返屋企嘞~

好嘞~ 講返今日,
11點幾收到老公打電話來，原來係圖書館職員打來，係因為妹妹casey 得獎。

我有點愕然又好開心喎，因為當日casey 係Ok有心機整,但佢既耐性唔算多，整得好快就話 佢整完，已好快想行去第度玩。

但casey 所做既作品又的確近100%都係佢自己整, 自己貼野~

大囡其實都整得好靚，但可能因為我有幫過手，幫佢貼粉紅色既花邊，所以，唔入圍???

(在場都見到好幾位家長幫得好勁~)

呢一層我都唔清楚。但個電話真係只係提到casey , 主辦單位係請我地今個星期尾帶casey 去spring expo 拿獎狀。

無論如何，我都覺得值得高興，因為可以帶佢兩個去參加吓比賽，去見識吓都係一種體驗。而且，又可以鼓勵佢地對畫畫對美術創作既興趣~~

呢朵花係叫twinke twinkle , 個名我改既~係casey 整~~

呢朵係叫pinky rosy , 大囡整既~

我打算今個星期買兩盒顏色送俾佢地, 當作鼓勵佢地今次既努力~~

10月份新開始

不知不覺已到了10月了，3 歲5 個月的gigi終於返學。而且，她是和姐姐的一間child care center，可以在同一課室上堂，因姐姐的課室是3-5歲班的。

看到她們回到學校後，姐姐教妹妹點樣塗suncream 帶她去認識同學仔，又帶她去outdoors 玩，我真的感動又開心。



老公特意請假兩粒鐘同兩個囡返學，話晒都係casey 第一日返學。

今日可能因為氣溫將會好熱~14-36度，學校早左俾小朋友去outdoors 活動，

老師協助小朋友塗上suncream後，小朋友自由活動。

大囡仲介紹小朋友俾妹妹識。

casey 冇喊呀~ 我相信佢好快會適應學校生活。

回家後，得我一個人，真係好寧靜呀~ 好舒服好relax 既感覺。

竟然可開住商業電台邊聽邊打blog, 自從有小朋友後，真的沒試過呢。

暫時未知幾時會返工, 因為10月還要同大囡去上學，每星期一天，而且，

我亦一直未有搵工。

但呢一段時候，我會好好享受吓在家一個人的時間，

我會值著呢個夏天勤力做運動。

會好好學吓點執靚，執整齊個家，勤力做facial~~~

作為一個女人到左某個年齡真係唔可以懶。

無論內在外在都要不時upgrade, 即使我媽咪來到澳洲幫我做陪月，

佢都會抽時間做面膜。

我更加要努力啦~

好開心~~~有兩個寶貝...

中秋節快樂+10月

中秋節就快到, 今晚會去sister in law 屋企食晚飯，雖然我揸車已大致ok, 但未試過晚上揸車，我如果下午就車兩個囡去人地屋企。回程時，老公揸佢既車，而我就要揸返自己既車，我都唔想老公擔心嘞~ 加上佳卯當前, 都係小心一點好~~還是6 點等老公回到家，我們才出發去啦~

10月，細囡gigi 會去姐姐既學校返學，姐姐讀緊3-5歲既班, 所以，gigi 已3 歲5個月，她可以和姐姐一班了。每星期返兩天, 星期二, 星期三。所以，我的自己空閒時間會多點啦~~期待!!!

不一定要去shopping, 而是希望可有自己既my own time...整理吓自己既思緒對一個全職媽咪來說，真的很重要。

9 月17日帶細囡去游水...其實是玩水吧~

上次去泳池已是好耐之前的事，那事細囡得歲幾咋~

呢個係室內泳池的一部份，還有室外的，但當日沒有開放~

星星期三帶大囡去小學，教具都幾得意~~是學1-10

老師講解1-10的寫法, 係教佢地落掣的起點響邊~呢種板響澳洲的政府小學係全國用的了。

直情連埋電腦的，唔知香港的小學係唔係都用呢種呢~?

 10月19號去lindlt cafe 同朋友傾計, 原來Lindlt cafe 的咖啡又唔算特別好，但chocolate 是幾好味的，每杯野飲都送粒朱古力。

前天和細囡兩個去shopping, 原來Myer 已開始賣聖誕物品了。

Halloween 呢度依然都有，我都見周圍都有賣物品, 服裝等, 但當然聖誕節呢度係數一數二大節日，呢度既人一定係重視好多。

某天，又給她們畫水果，畫畫吓又玩起來了。

這裡呢兩weeks 係school term break.....lego 有promotion

竟然見到呢件衫.....身為香港人真係好想買....當然, 那是一剎那想法，

最後沒有買了~

casey 就快返學

casey 將會在10月開始，每星期二,三或二四,要看學校安排,因星期三係好full 既~

我當然希望可以將兩個囡安排在兩日同時間的上堂啦~接送又方便，而且，而家casey 每次家姐返學, 回到家她就說悶，她要pick up courtney, 所以，兩個同日子返學係接送都易好多，我又容易安排自己時間。

好期待呀!一方面，好想多點自己時間，另一方面，又可令casey 有返自己既同學，可以去上堂學野，接觸多點事物。


而家每星期三都要帶大囡返小學內既幼稚園高班，casey 都一樣會跟去，

所以, 最近比較忙，有時星期一已預備星期二, 三的食材，時間上就比較易處理一點。

心情好，做野自然順利

看得多正面思考既書，正面思考既人既blog, 呢排覺得自己既思想唔同左。

人大左, 開始覺悟到好多野唔到自己控制，但自己既思想，卻可以自己去控制。

有種感覺，自從選擇學習正面想法，就有種覺得凡事都有美好的一面，就算幾唔開心既事都會過去。

好開心，自己響呢個年齡，我就當是人生既一半啦~就可以及早去察覺。

最近，終於學左5 堂既揸車，關於車牌，我一早已考到了，但考到後, 一直都冇再揸車，我地住既地方，就算冇車都算好易去到想去既地方，到星期六, 日，老公揸車，咁我又唔洗揸啦~~

說到尾都有點依賴既~

但而家練返車，又覺得尋找到揸車既樂趣，係泊車，就真係要練..

今個星期會有兩日一夜去Leura 住下，希望大人細路可以輕鬆一下。

返香港，又要忙見家人, 親戚朋友，響澳洲，留在家中，都覺得未能好好休息，令身心都休息一下~~一日咁多啦~~

呢排響屋企亦種左一d 以前從來冇諗過種既野~

本身只係想種幾盆花，俾機會細路種下花, 玩吓，點知自己種落又有少少興趣~

我亦貪得意食cherry tomato 既時候，見到有核，於是，諗住試吓種成唔成功，之前一路都布9留意佢有冇成長, 星期六日更唔記得淋水，點知佢又出茅喎~~

今日見到已有寸幾高了~~

希望種得成功。

心目中, 仲想種蘆薈，仲薰衣草。

好啦, 執吓野先, 要預備晚餐+執埋衣櫃。

2015年3月25日

好耐好耐冇打blog 啦~ 主要原因...因為用fb post 相會方便好多。

兩個囡都大個左好多了~

大囡已4 歲3個月，細囡就4月19巳號就3 歲。

佢地而家可以好多野都一起玩到，有時感情好時，係十分融洽的，但有時，又會因為玩具, 洗手先後就會發生搶野, 搶先後的情況。

大囡依然是一星期返兩日學，上星期，老公話想8 月9 月左右俾casey 同姐姐一起返學。
其實，我都想既，因為2016年2月大囡就會升讀kindy, 即係小學一年級前的預備班。

響呢度, 政府會俾小朋友有呢一年既預備班，小朋友在將會升讀的小學內上堂，有校服著，返學要帶書包，亦要自己帶lunch box, 時間表都跟埋小學的了~

呢個既方排，到左小朋友正式讀小學時，就會好易跟到嘞~

咁如果casey 8,9 月 同姐姐返幼兒中心，到時希望可以和姐姐一個課室, 一起上堂。

因為呢度在一個家庭中，以我地既case，如果兩個小朋友同時返幼兒中心，而我就返工，進修或做義工，咁響妹妹既學費，係可以得到減免，減幾多錢就未知。

但返工，進修或做義工都好, 都有限制的，我要參考多少少資料先。

我比較prefer 做義工, 特別係可以幫到剛生完bb既媽咪, 湊吓bb , 同bb or bb 既家姐, 哥哥玩，兩小時咁

因為以前人地幫過我地, 我都想幫返人地。


但好似要每星期最少15小時....所以，暫時, 8 月9 月既方排都未知~~


學車方面，我已上了3 堂了~~ 基本上泊車仲要練，我仲未好識~~

反而在馬路上揸車就Ok 起碼唔似以前咁驚~~

不過, 好奇怪，教車師父在我身邊時，我就好定。

但老公響我身邊時, 我就好唔自然咁~~

 

呢排兩個囡都喜歡洗碗前

前幾日係我生日，終於到左3x 歲。

以前對於呢個歲數，真係覺得好遙遠既事，但原來而家到左嘞，又覺得感覺幾好喎~~

個人成熟左，又有兩個囡，又有個老公，一個幸福家庭。同埋，而家學會感恩，嘗試多方面思考，更時時提醒自己保持正面心態。
我覺得keep 住落去既話，生活會更好。

前幾個月，我同我老公講，兩個囡既生日, 今年我唔想再擺兩圍了，想改變吓，例如一家人出去兩日一夜~~ (另一原因，亦是希望慳錢啦~~)


但老公當時冇回應.....到上星期

佢叫我看個網站，係關於響Leura, 近blue mountain既一間resort ,  有小朋友室內玩既地方，又有outdoor and indoor swimming pool, 仲有其他地方，特別在於我好鐘意Leura 呢個小鎮，風景不錯。

如果晚上天氣好, 看星應該不錯的。

好期待呢日既來臨。
印象中，好似是唔洗$200蚊,澳幣。

但呢排一直都有人問我地今年去邊到食野同妹妹慶祝生日, 老公話遲點通知, 但佢都係決定當日係出街食晚飯，都係擺兩圍。

(其實，我真係唔想擺兩圍的。但....有時兩夫婦，佢都就左我，訂左resort , 我又覺得唔好執著得太多，如果佢真係想咁同妹妹慶祝就由得佢啦~~~)

開心過日子算。

好啦, 打住呢到先~~仲要洗吓碗~~