一個3 歲的小朋友，返香港就是那麼簡單的一回事

對於我家中一個3 歲的小朋友，返香港就是那麼簡單的一回事-->
今晚睡前我和藴賢傾計:

COURTNEY: Mum, we need to go in aeroplane to hong kong. cause i want my Christmas dress.
(上次返香港, 我地冇帶返件聖誕裙....我囡話要坐機返香港攞~~)

we need to buy the white , yellow and pink (在香港婆婆家中，有白色既洗頭, 黃色既一支護髮素和Dove 粉紅色的沖涼液..)

我話: 咁邊個坐機返去攞好呢?
...
Courtney: Casey , daddy , Courtney and mum

咁坐機返去香港..咁遠喎，除左買洗頭沖涼既野, 同埋帶返條裙...仲有冇野做呀? 想唔想去Disneyland?

佢話NO~

我話:咁幾時去好??

COURTNEY: TUESDAY 去~

咁幾時返?

WEDNESDAY!

我地幾時變得咁有錢，星期二返香港, 星期三就回程~~~仲係返去只係買洗頭水護髮素同沖涼液..........攞條裙就算~~!!!

一連3 天假期

今年1月26日是澳洲國慶日又卻是在星期日, 所以，星期一就變相是紅日了~

星期六, 老公如常去買送，下午我地去買日用品+附近飲咖啡。

星期日，我地去featherdale park , 成人$28, 小朋友3-11歲好似15咁上下, 妹妹就唔洗錢。

都算看到幾多動物，
樹熊, 袋鼠....emu等~~

兩位小朋友都十分開心。

仲有看到一些農場的動物:豬,牛, 羊, 鴨, 鵝，兔等~


兩位小朋友都十分之開心。

Courtney 對影相好好好有興趣，要自己用相機去影, 仲要影埋我地, 要我地企埋一起影。

今次呢埋相, 係COURTNEY 揸機既最好幾張啦~~~

 

 

part 2 完結篇

點知領事話我地申請呢張form 係唔 適合，呢隻緊急簽證係俾受政府迫害，威脅, 人權組織...身體有嚴重急病既人...................

叫我地上樓上去申請passport~~

我地都講返~~ 上星期，就係樓上職員叫我地黎樓下，而家我地應該點呢?!?!?!

佢都係叫我地上樓上試多次

好在上到樓上, 今次真係遇到個好職員，係你feel 到佢真係做野?!!!

我地講呢個情況，


佢第一時間問我，有冇帶澳洲既 有相又有地址既證件

我有~ 係駕駛執照

仲有 medicare (醫療卡)

仲有銀行提款卡~~

仲有回程機票

佢第一時間收晒我.,...跟住，又查到我係公民~~

叫我地等等~~


後尾俾我地張form 係申請緊急護照，填好晒後, 只要兩日就可以攞護照響手。


因為係第一次申請澳洲passport , 原來都好嚴格，要找擔保人，認識左我最少12個月，同埋，唔可以係親戚關係~

我地就返沙田搵媽咪以前個老闆寫啦~因為大家都熟，佢又唔洗返工, 已退休~~易搵到。

同佢食完中午, 填好晒~點知原來擔保人唔可以係退休人士~!

同個職員傾....真係有少少覺得, 你唔講定先~?!

之後, 又話或者搵有澳洲passport 既人，又識左我最少12個月都得

....我同佢講，冇呀! 冇可能, 佢地全部響晒澳洲~

最後，佢話一係搵專業人士, 會計師，律師，議員.....唉~~直情覺得有點留難我呀~~

唔係人人都一定識呢類人士的喎~?!!!


好在, 老公識一個xxx 既金融總裁... 做得呢個位，我地一早知佢有會計師資格~


即日搵到佢，另加埋佢卡片


都係整好晒野再上去搵職員~~

職員話..張卡片冇寫會計師...好在老公都識同佢講: 做得呢個位，當然有咁既資格!

最後, 填好晒~~~返得屋企，我地係最遲走既一位~



4 點幾返沙田


而本緊急護照, 兩日就收到，多謝百幾蚊au~!!

但呢本係寫到明用得一次。
一到澳洲海關就會沒收的了~

仲提我，返到澳洲記得申請澳洲護照啦~!!!
放心一定會~!!!

原來係咁麻煩既~!!!!!!!!!!!!!!!!!!!!!!!!!!!!!!!!!!!!!!!!!!

唔洗點訓既妹妹

妹妹既歲數雖然係細過姐姐，但妹妹係屬於唔洗呁多睡眠時間既~

即使係同一時間睡, 她都會是最早醒既一個。

而且，處理佢訓覺亦都好難~~佢要人同佢同樣響一間睡房先得。

返來香港，唔洗一星期，好多野都回到軌道。


姐姐3 歲嘞~~ 我都諗緊響呢一年可以發展佢邊方面既野呢???

我想教佢多點中文，因為上次返香港, 頭一兩星期, 佢真係好多中文對話, 發音都好麻麻~

佢回應既全部9 成都係英文~~

唔知教唔教佢認中文字好呢?!


至於自己, 我返來澳洲，已經跳左5, 定6 日鄭多燕了.感覺很好~!!!

part 2

之前講,我老公響澳洲領事知網頁上，見到有樣緊急簽證我可以試申請，於是，

我拿拿臨下午去影證件相，
填好晒..

第日，我地一家4 口，連埋媽咪去灣仔啦~

因為我地想排頭位，早點攪掂，所以，我響晚上故意同兩位小朋友換定晒第日出街既衫，仲著定襪，總之，我仲故意同大囡講，聽日會early morning 坐的士全家人同婆婆出街。

聽日...點點點，我要你合作~要聽媽咪爸爸話......

仲同佢講，因為好好好早起身，係唔刷牙(好煩, 佢響香港刷牙要攪好好好耐), 但可以boo 水。

預早買定超簡單早餐，包包。仲有大人亦執定第日既衫，仲執定零食。




第日，我6 點起左身已訓唔返了~太緊張~~

準時7 點半前出門口，因為領事館好似開9 點。

好在唔算太塞車~ 好似百幾蚊的士已到~~


上到去, 我地真係排第一呀!!!


俾張form 職員... 職員轉頭就轉交我地張表俾另一位高層~

咦，西人喎，仲係直情係領事~~!!以為好消息啦~

點知領事話我地申請呢張form 係唔係俾我呢種情況，係俾類似受政治迫害, 身體健康有嚴重問題既人用。

回香港心跳事件--證件問題 part 1

part 1

當我陀大囡既時間，我已經入左藉，成為澳洲公民。

因為自己既特區護照係2015年先過期，咁一直覺得到2015年先申請返澳洲護照就得啦~

由澳洲去香港，上機當晚，經過境時，職員就打開我護照, 看著當中既簽証話, 你就快過期啦~

你幾時返澳洲呀?!

啊, 一月中呀~


好在你仲有個幾月

咁我就不以為意~~去到香港一直冇左件事。

差不多12月廿幾號。

我老公話見到我特區護照當中既澳洲簽證係2013年3月到期。

我仲話~~咩呀~ 而家仲有幾個月先3 月啦~!!
老公話係2013喎~!!!即係應該係過左期~~~


我仲好腦定, 人地澳洲海關都話仲有一段日子囉~~

但我地兩個再諗深入少少~~~可能海關都唔意思到--- 2013已經就過嘞~!!!呢張簽證過左期。


我當時諗得好簡單~

咁我咪最多去旅行社申請去澳洲旅遊簽證囉!!!好易申請之麻~



因為12月好多應酬....又有紅日....星期六, 日澳洲領事館又唔開~

我地1月頭就去左澳洲領事館問返呢件事~

(當日我先生一人上去幫我問, 我要響屋企照顧兩個囡)

可是, 卻遇上一個唔專業既職員~!

老公話, 問佢野, 又唔望人，自己自係望電腦，問一句, 答一句。
當中既職員話, 係呀~已經過左期....

我地話有咩方法, 解決呢?

佢話申請澳洲護照~ 但我地查過申請要成10個工作日，

(我地1月10日就起飛返澳洲了~)

老公話，如果要咁耐先申請到，全家機票都好大影響。


個職員竟然話: 呢個係你地既問題~ 我地唔會做其他野配合你~



返到屋企, 聽到老公咁講，真係好激氣。


我地上網查，只係查到我可以試申請一個緊急簽證，於是，拿拿臨印form 填form, 搵printer, 寫信解釋點解要申請呢個緊急簽證。

回香港的...心跳事件

今次返香港，真係一個大考驗~~~!!!

因為太耐冇返香港~~我一直覺得有passport 就返到香港啦~!!!

點知，上到車出機場，上左車大約10分鐘，先想起~~~大鑊，唔記得帶香港身份證。


 其實，我唔記得返到香港海關度, 洗唔洗用到香港身份證??? 同埋, 返到香港, 可能又去銀行各樣，冇香港身份證，可能都好大煩~~~

但當時腦海一片空白, 我身份證放左響邊度呢?!?!?!???!

我完全冇印象。

我心中諗住, 如果找不到就拿舊的身份證副本先啦~

去到海昇6先話, 自己就係因為唔見左身份證所以返香港辦囉~


好在拆返回家，我好快已找到。



以為，好幸運啦~

點知.....仲有20分鐘就到機場，當時我地坐租返來van 的，我想起......點解唔係幾覺眼我地既bb車呢??!?!?!?!?

問老公, 佢話叫我望多次後面既行李附近~~

唉~~可能真係冇帶，到機場落車時....行李齊晒~!!!


3件大行李，兩個大人背包，兩個手提行李袋~!!!

就係冇bb車~!!!
大件事~!!!


但都要頂硬上啦~!!

去到check in 之後, 我地除左要每人背住背包，仲要每人拿一件手提，仲要帶住兩個小朋友~!!!

佢地行左好多路，最弊，過關又等好耐。

妹妹有時又唔企得定，又行去第二行，抱又唔抱得太耐，好累呀~~~

平時8 點幾9 點起瞓，但呢晚真係有排都未訓得。

check 左passport 後, by the way 我係用特區護照的，佢地3 個係澳洲護照~

但特區護照出澳洲冇問題~

原來之後先好大件事~
遲點補說。


之後, 又要過x way check 手提行李~又係等~

去到免稅店附近~~
因為兩個小朋友都痴身又累, 我地冇機會買野~

只係去到候機室等上機~!!!

已近10點了~~

上到機, 大囡細囡都唔驚~大囡由出門口全程都超乖~!!!超合作~

大囡響架機度仲好開心，攬住隻公仔笑晒咁...

我以為好啦~~11點啦~~快點攪佢地瞓啦~
點知原來仲會有飛機餐食~~唉~~~
著晒燈~~


最後, 細囡12點咁上下瞓左~~

好在好易攪, 抱上手10分鐘已睡。

大囡就一直看電視，看到12點3瞓左~~

但妹妹一直由爸爸抱住瞓~ 所以, 爸爸對手超tired, 足足6 小時。

我地係有訂到附有bassinet 既位置，但眼前只有一張大一點既摺餐桌...又唔見bassinet

機上班空姐又唔知點解，冇咩笑容，仲要係冇咩禮貌...以前國泰既職員唔係咁
唔知點解而家會咁


係得一個business class 做開野既空姐,經過我地個位時, 就會撩吓我兩個囡，好好笑容，又問吓我囡叫咩名, 又讚佢乖~

我地有問佢拿小朋友既國泰禮物~ 佢就話要預訂，我真係唔知要預訂呢~

但佢話試幫幫我地，最後都有俾兩份我地~

回程時，我見到點解人地同樣有bb 但有個bassinet 呢?!?!?!??!?!

問左好多次叫職員提供, 一直叫我地等等, 轉頭俾我地~~
但兩粒鐘都冇俾到~

我先生話見到有空姐已開餐, 食緊野~~咦，係囉~仲未有?!???!


於是同super 講，先至有~?!!!

哇~國泰咁既服務唔得囉~~~

希望快點改善啦~~!!!



講返bb車~~~去到香港第二日已立即去買了~~~去一田，買一部，兩個都想坐, 呢個坐時, 另一個就喊~買左1700蚊~~~~於是, 第3 日都係去買bb車~~好在識去玩具反..城了~~350蚊~~!!

但心跳事件仲未完~!!!

再續，因為特區護照~~出現大問題~差點全家人改機票先返到澳洲~

插隊打一篇先---運動了

上機前幾天已好忙, 已停了運動。
回到香港, 頭一兩天,都仲叫做有做sit up 30下~~~

但在香港，我都好忙~ 日日時間過得好快。

運動?! 停左啦~~

一日都唔知食左幾多餐, 10日內打3 次邊爐...........

仲又去飲茶..各樣~~

回澳洲後, 磅重冇點升喎~~

不過, 好明顯係骨頭硬晒~ 之前訓練既肌肉又冇晒~!!

我明明有帶磨砂，有帶面膜，但真係冇時間整, 晚上兩個囡訓左，我就去左我妹間房，
唔係傾計就係一起淘寶。

大出血，說實的，返香港買野唔算多，因為吓吓都帶兩個囡出街，入shop 都唔易~~
佢地又冇耐性響門口等~


仲有我發覺，香港野貴左好多。

上次2008年返香港, 澳元都係對港紙5.5咁上下

今次返去話晒都6.8-7蚊啦~!!

但我既錢好唔見用~!!!

一千, 一千咁走左~~


所以， 真係淘寶買得最多。

唉呀~講運動又講到離晒題~

我尋日開始跳返鄭多燕了，因為返香港, 都買左本鄭多燕既書，好正呀~~
多樣野參考吓。


尋日第一次跳小紅帽~~唔好講笑~ 一來天氣熱~ 成30度。

二來...太耐冇跳，去到22分鐘已頂唔順~!!收工~

因為都係第一次再跳返~唔想俾自己太大壓力~

希望養成返運動既習慣，仲有，章續兩晚做返mask 啦~!!!感覺很好~!!


唔知係唔係香港既full time mum 好大壓力，有次同以前讀書既幾位舊同學出來食晚餐。

大家都算係同年齡啦~~

發現，有些同學已出現白頭髮~~同我同年齡既表哥又出現白頭髮.......我弟弟細過我都出現白頭髮，唔多..但都見到的。

可能休息唔足夠，都可能壓力大所影響~


好啦~~~而家開始做運動，希望繼續做返個靚靚媽咪~

12月12 日沙田活動

12月11日早上落機，在附近飲茶，回家睡且, 休息，這就過了一天。

12月12日，我地行去沙田既一田，途中經過一個公園，順便玩了一會。

在這公園仔可望到城門河的。

好開心.........可以俾我爸爸媽咪，健康咁抱吓孫~~~
大囡快3 歲, 細囡也已經快20個月了~

之後去了中央公園玩一陣就去了一田。

稍後再打多點

結束１個月回香港之旅，由香港返回到澳洲了～

今日係回到澳洲第３　日，　大致回復正常。


ｕｎｐａｃｋ　行李已近尾聲，洗左好多衫～　３　機左右。

但仲有一些舊衫船運當中。

想講好多野～希望有時間整理打返出黎。

但最大件事，莫過於，因為我特區護照內既澳洲簽證出現問題，我地差點就要全家改機票返澳洲。

有機會詳述～
而家５　點啦～又要同小朋友沖涼。。。。煮晚餐～