一個人出吓街~

今日，我真係的起心肝自己去街~

時間係下午2 點至5 點。

出門口時, 佢地都有勁響門口byebye 媽咪~咁啦~~
byebye到我見唔到佢地...

但當時個心好酸，感受直情係好似當日俾個大囡第一次返學，唔捨得既心情一樣。

有一刻想回頭返屋企既~!

沿路都想起兩個囡~~~

直到上左車，先心情好返點。

行左吓spotlight，之後, 想去飲咖啡食件蛋糕，可惜，原來人地星期日開10-2點咋~!!!

於是去左間鬼佬seafood shop 望吓~~ 真係好多好正既海鮮..生蠔都有4-6種~.第時可以考慮買返屋企整~


之後, 去左另一間度飲咖啡食件蛋糕~但件蛋糕好差~!!! 同上次生日食既一間冇得比啊~

不過, 望住架法拉利食野都唔錯既~哈哈`

因為真係停正間舖側邊~

https://fbcdn-sphotos-c-a.akamaihd.net/hphotos-ak-ash3/t1.0-9/p526x296/10001381_10152307221549824_570338071_n.jpghttps://fbcdn-sphotos-c-a.akamaihd.net/hphotos-ak-ash3/t1.0-9/p526x296/10001381_10152307221549824_570338071_n.jpg


咦，係唔係改左呢, 似乎放唔到相~


之後, 原來先知係個老闆個朋友架車~~

但呢間舖, 我地一家4 口都幫襯了好多次吓~ 冇理由，老闆仲問我來呢度係讀書定??
問我呢度有冇屋企人?!

我懷疑我全程戴住sunglasses , 可能佢認我唔到。


回家後，兩個囡好乖~

老公幫佢地沖晒涼~!!大囡話響屋企玩hide and seek , 老公話佢地好乖, 仲瞓左一粒鐘，仲要唔洗陪就自己瞓晒~!!

好, 下次我出街又有著落了~!!

一星期5天運動近照

腰部還是最難減~!!!

 

 

手臂減得幾好~~

 

體重還是在43.5(95.7磅)至45公斤(99磅)徘徊~~~

 

 

如鄭見燕所說，

唔好成日磅重~~

我覺得真係唔太準~~

 

最近多了做墊上操，好想減下身多點呢~

 

 

困身的full time mum

天氣會影響心情嗎????一星期下雨的天氣。

洗衣房的籃，衫已多到爆棚。

心情有點納悶。

很想去讀吓書，令生活有點變化。

唔知點解好想同supermum 一起讀 education support~~

一來課程唔需要讀好耐，二來我有信心可以handle 到功課，更重要既係, 我想做點類似教育呢科既工作，但而家對教小學有興趣一點。

其實, 係小學既教學助理，唔係小學老師呀~


學supermum 講，如果小學肯請佢一星期返2-3 日已好好, 重要既係可以唔洗返星期六日，有學校假期，變左, 自己女兒放假時, 自己都有得陪佢地放假。


下個學期唔知係唔係7月開學, 冬天開學辛苦一點，特別最怕係小朋友易病好多, 咁到時係老公請假定我請假???!

實習請假都唔易, 又俾人既印象唔係咁好~~

但都要計劃下。

另外，可能而家真係長時間做full time mum, 我發覺自己有時都handle 唔好兩位小朋友~~

特別我累的時候，又遇上摟計的她們，我會發脾氣，這方面我真的做得不好。

尋晚，我仲響我老公面前發脾氣，主因都係妹妹摟計~~:

最後，我同老公講，我呢個weekend 要3 個鐘自己行開吓。

可能去游水都未定---或去溜冰.........這個我自己諗的。

真係要自己抽一抽身先得。

點都要試第一次。








或者，我要諗點方法。

新嘗試

上星期接大囡放學~她正在玩~!!

她的波鞋是Dora 閃燈波鞋~

是在12月淘給她的。

 

質素很滿意，差不多90幾蚊人仔~

 

 

 

 

 

 

 

她在家中整的畫，vase 是我畫，其他是她自己整~

 

這張花花畫我很喜歡呢~

先自己印住畫花花~自己剪出來, 貼去另一紙上, 再畫點點，

 

特別是她整的過程，我沒參加~正確來說，我唔知佢幾時整緊,

 

佢整好晒~走來show 俾我看，我先知佢整完咁既野~!!!

 

所以, 故意放在廚房，好好欣賞

 

 

 

 

這些紙放在廚房，令自己時時記得多吃這類食物~~~抗衰老啊~!!!

 

 

 

 

某天晚上老公話呢碟好好味~~~

 

 

 

 

在街上, 妹妹對呢架好有興趣~~

是truck~~

 

 

車頭又真係幾靚~~

 

 

 

加上了在妹妹鞋上~

 

 

姐姐的鞋仔, 佢好喜歡呢對~~~!!

 

 

 

就是這東西了~

 

 

 

 

 

整完見反正整開, 我弄了個夾子俾自己~!!!好鐘意~!!!我本身就係鐘意閃石既野~!!!

可以平時用都得。

有少少迷失

唔知點解呢一兩日好似覺得自己生活有點變化。

做左家庭主婦4年咁上下了~

大囡3 歲, 但陀佢之前，我已經冇做野幾個月~~

咁就離開左工作 4 年~~時間真係過得好似好快。

但冇左返工既壓力，日日一定要趕出門口呀~幾凍都要起身返工呀~~

而家換來都係早上俾妹妹喊聲嘈醒....咁都唔錯呀~~

係自己個囡叫醒自己喎~!!!

我肯定我響屋企類住佢地，係開心多過唔開心既~~

好多野都可以自己話事~~

今日想食咩茶點，想唔想一起整呀~?蛋糕仔定酥皮，定麵包....

新鮮出爐又香~~又好味---呃得吓人啦~

去唔去playgroup

中午想食咩...

定係唔出街, 但可以響屋企玩水, 玩麵粉團，響床度玩扮瞓覺, 定係我累就躺在沙發中扮病人，

兩位小朋友扮護士, 醫生。

定去pergola 玩畫畫，定響屋企一起整castle , doll house, 神仙棒.........

真係好多活動可以玩~~

其實, 真的幾享受做家庭主婦的，真係可以對住自己既囡，可以好好了解佢地。

有時我會覺得自己做到一個稱職既媽咪，真係會俾到愛佢地, 咁多年來, 由連花膠點出水都唔識，要打返香港問阿姨，煮西蘭花炒雞柳係唔好食~~

夏天整青咖哩........熱到咁仲整青咖哩, 冬天整冷麵，壽司.........

而家，總算整到幾味自己有信心既食物:有次我同老公數過都大約有20樣

1. 粉絲蟹煲
2. 咖哩牛腩
3. 煎三文魚
4. 三文魚頭煲
5. 薑蔥雞
6. 冬菇髮菜豬手煲
7. 蕃茄牛尾煲
8. 乾煎大蝦
9. 牛油果青瓜雞壽司
10. 洋蔥豬扒
11. 雞鮑翅
12. 燒雞亦
13. 羊腩煲
14. 焗羊扒
15. 煎牛扒
16. 白飯魚炒蛋
17. 煎snapper
18. 豉汁蒜泥炒藍青口
19. 炆雞腳
20. 麥樂雞

就打住咁多先~
我估仲有野未打既~雖然好多食物, 都好似好簡單，但以前我真係覺得自己唔識煮野..
就連煮完都唔會去試味~~

而家，煮得多，亦都時時看煮野食節目，又留意人地cookbook 點煮, 自己都試吓去改變去學~

咦，本來想打自己迷失, 看來又未真係好迷失....

有時懂自我欣賞都好緊要呢~~
就好似，教小朋友，要讚佢, 要佢慢慢學欣賞別人欣賞自己，咁佢既自我價值觀先會高，

先會覺得自己係重要。

好啦睡了~~

好夜啦~

生日活動

 

我本身幾鐘意食cheesecake, 但無論自己整定買一個，我老公又唔喜歡食cheesecake 既~

 

就算自己食/俾埋兩個囡食, 一個都怕會肥~~

我最近好勤力做運動啊~!!!

 

 

於是，最好既方法就去食啦~~

 

呢間甜品專門店~~

 

係我尋找既~~

 

響一個叫greenway既地方， 同spotlight好近，於是買完野仲可以飲杯咖啡，食件蛋糕。

 

 

以前，次次路經都冇入呢間舖，自從有一次，自己帶妹妹shopping, 順便去幫襯。

 

不得了~當日係weekday , 但好多客，堂食既又多~~外賣既客更多~!!!!

 

 

 

佢好多蛋糕既款式，見到佢店內有玻璃望到, 原來有自己既工場，我見到有廚師整蛋糕。

 

咁唔怪得之啦~~

 

蛋糕水準好好~~

 

 

 

生日飯，本來係出去食韓國野~但又唔想中午出完, 返左屋企又要5 點幾出去再食~~

 

所以, 不如自己整~~

 

仲請埋老公家姐, 姐夫，

 

我整好簡單~沙律~~

grill pork rib~

 

煎三文魚~

 

白汁pasta~

 

全部清晒~~特別係個沙律~估唔到用紅酒醋來做汁係咁好食~!!!!

個個讚

 仲有虎蝦~~

 

呢個生日, 簡單~~又開心呀~

兩個囡食得開心，食完自己去玩, 大人仲可以傾計~~

 

大家都好享受~!!

生日飯依舊去食~

尋晚都有同老公講，以去2 日一夜代替近廿人食飯飯慶祝。
但佢話, 寧願搵日再去2 日一夜，佢話都係借個機會大家聚吓。


咁我都冇說話好講，唯有去慶祝~

但我希望唔好年年小朋友生日都咁樣渡過~


最近supermum好忙, 佢既課程除左一星期有兩日去小學實習, 仲要交assignment , 所以，我都佢都少左見面。

因為 帶兩個囡去playgroup 來回要花好多體力，我亦沒有好似以前咁帶佢地去得咁密嘞~

反而，多左時間留響屋企陪佢地~

好想試下一湊二揹背包，帶兩個囡去圖書館~

但好似去巴士唔係咁易~ 帶雙人車上巴士，又怕太重~推上去會吃力~

但帶一架車仔，又怕大囡一下子行得累，咁就麻煩了~

又假如，兩個同時要落地, 但我又推住車他, 咁即係是但一個唔可以拖住~

好似咩方法都用唔著~

點好呢?!



而家亦開始慢慢試俾細囡一個人睡覺，咁耐以來, 佢都一定要人陪瞓，唔同床~總之我地是但一個大人要在睡房內，直至佢睡著, 我地先可以離開房去整野~


但講真, 易的話真係10分鐘就瞓左~ 但有時佢真係碌極都唔瞓, 仲拍手, 仲企，如是者，響大人床落床同佢講，要瞓覺, 或拍佢pat pat 罰吓，但耐不耐都花最少半小時, 怎至個半鐘都試過~~

真係令人覺得超困身~特別自己有野要做~又行唔開~!!!


前晚，我地試同佢講，拿講完故事啦~你要自己覺覺~~我去摺衫/洗碗/ 閂門...............


點知, 佢真係自己瞓左~~


如是者，幾個晚上都係咁，今日lunch , 我故意叫大囡去返自己房瞓~~
好在大囡又願意，

細囡自己瞓, 起初, 都有嘈過一陣，我去房同佢講個超簡單故事，跟住話我要去閂門~

佢又真係自己瞓左~~!!
奇蹟呀~!!!



希望可以訓練成功，咁我地就多返少少時間用啦~~


今個星期六係我生日了~~

 

 

我們的自製相機~!

 

 

 

 

摟兩個鐘計的妹妹最後睡了~是上星期拍的。

 

上

星期同學來我屋企聚會，大家的小朋友~

 

 

 

 

 

忘記有沒有放過上來了~!!

 

是上星期我整的蛋糕，預早慶祝老公生日~!!

第一次整唧花~~~

 

呃到我家兩位小朋友既~!!!

 

 

 

 

 

某一晚心血來潮的傑作~~~其實, 當時都10點打後了~

 

2月28日種~~

2

 2星期前，突然想起, 可如玩種紅豆~

 

 

再倒數，2月12日包餃子~~!!! 妹妹十分喜歡join in , 但包得.......好"有創意~!!!"真係放落水唔爛都已算好~!!

 

 

 

 

妹妹就快生日的活動

妹妹下個月生日了~老公又話不如出街食就算，因為響屋企整大型bbq ，佢怕就唔設，今年沒有他的家姐幫手了~

因他的家姐都幾唔舒服。

其實, 我今年想去個地方過，2 日一夜咁同成家人，一家4 口去輕鬆吓囉~

心目中係揸車頂多一小時，可放低行李就行一段路可以有海灘~!!

一家響海邊食吓野，玩沙，聽吓海浪聲~

最特別係可以離開家務~~~~輕鬆吓~!!




我而家真係好怕去食晚飯，兩個囡冇耐性~下下要落地，一開tab 3 , 就兩個都搶，救命!!!

最後，教極都不歡而散，兩個都喊~

我又唔可以響成近廿人既親戚面前"鬧"囡~
講真，當講幾十次，勸咁多次, 都仲有搶野情況，我唔鬧都會不其然黑面~!!

簡直破壞形象


同埋，食晚飯，頂多真係4 個小時就走人，小朋友除左食蛋糕，生日歌呢樣野記得，真係冇咩野會記得。


但洗費唔平，收埋利是, 都要預補返500咁上下~~

咁呢筆費用，我覺得唔係咁值得囉~!

我今晚都想同老公商量吓。

我想俾個特別一點既慶祝活動成家人。


其實, 今日我好累啊~!!特別日子~~條腰真係好辛苦~!!!

馬航

呢個星期全世界既人都被馬航新聞洗板，呢件事真係前所未有~!

一開始又話可能已落左海。但一直都搵唔到隻機~



我關心既係一來會唔會真係整多次911?


另外係, 機上有小朋友既家庭真係唔知點算。


有大肚婆又點呢?


日日等屋企人, 親人返來既真係日日憂心，真係short 左都似~


帶個兩個囡坐機，講真，坐機都係擔心多過開心，只係希望平平安安~~~安全到達。

希望兩個囡合作少少

我終於可以靜下來~!已是晚上10點多~



見沒帶兩位小朋友一起去Playgroup 已一段時間，今日見天陰唔會太熱，

帶佢地去啦~

我試過一次，天氣熱, 帶佢地來回推車去，回程時, 我差點累死了~!!!

出汗~~加推兩個~~


那晚食完晚飯，累到睡在沙發上~

今天，

出街前已摟計~~

回家後，返到屋企我都好累吓，因為回程時最後15分鐘出晒太陽，加上12點正~~~好熱~

把睡在b車上的兩個小朋友抱去睡房訓，

唔抱去睡房又唔得，會熱~


點知兩個醒晒~~訓唔返~~


好, 訓唔返，就食點水果粒粒沙律.火龍果, 奇異果+桃


妹妹連續跌兩次水果，一地都係~~

我連執+抹地~兩次~~

真係有點火~!!!


終於食完，請佢地去玩玩具, 自己畫吓野啦~~

平時玩得好地地的，

今日
又竟然搶玩具，搶筆，搶位置~~(但家中明明設備用品超多~ 都會搶同一樣野~~)


喊~叫.............的聲音好像疲勞轟炸一樣。



教完勸完, 再教~~


帶佢地出去街，我已好累~~~~~~~~~


最後忍無可忍~~教訓一大餐~~

佢兩個都喊~~~


咁教完，話完，都會拍返吓，乙水    返
吓既~



兩個冇得玩, 去睡床休息，訓唔著都要痴在床上~~


總算有15-20分鐘真係安靜左~!!!!

之後，把返妹妹去大人床，姐姐又拿故事書扮講故事，妹妹又自己拿一本扮講故事~~

開心返嘞~~玩左一排，

出返去食餅餅，又看看tv~

但今日兩個都係痴身~+易喊~~~

因兩個都冇訓覺


所以, 我真係基本上煮唔到晚餐~!!
有想過出街食~但問題呢幾晚老公keep 夜返~ 6 點幾7 點先返~~


這樣唯有煮啦~!!超簡單囉~

蒸水蛋for 2 kids!


冬菇，瑤柱，絲瓜，節瓜煲雞腳，煲一粒鐘，差不多完成前15-20分鐘先落絲瓜

其實, 應該加薑的，但太忙都唔記得左~!!



老公回家, 竟超早~5 點半回到~

我趁機會出左去急步行+跑步 (25分鐘)

其實, 我係想抖吓氣~!!!!

老公食晚飯時說，: 吓係得咁多咋~~~(即係我煮得少送啦~)


我話, 無法, 佢地唔乖, 好難煮野~!!

看耶~~~有時超難攪~!!!
希望慢慢會改善吓啦~希望兩個囡合作少少~

又聚會

今日請了6個朋友回家聚一聚~

 

大家的小朋友都開始大個了~~

 

 

圖中小朋友細gigｉ　３　ｗｅｅｋｓ

 

好在兩個囡算係乖～～

 

偶然會有少少痴身，　但絕對可接受～！！

 

 

 

 

我整左雞亦＋買麵包，但麵包基本上冇人食～！！！

 

有朋友買燒鴨～～好味～～！！！好有心～！！

 

有人整ｐａｄ　ｔｈａｉ

 

有印度黃飯～～

 

 

 

個個都話我瘦左，亦有朋友肥得明顯左～～

 

當然啦～！！真的有運動啊～（暫時３　日冇運動了～今晚會運動返～）

 

 

 

呢個小朋友就快做姐姐了～！！

 

 她的媽咪已有左２８週

 

好享受今日既聚會～！！！　由大家未有小朋友，到而家一屋有５個小朋友～

本來仲有個男仔，　但唔願影相啊～

 

 

以前次次我朋友到我屋企，　我多數都選大囡返左學，我只係湊細囡，咁會易ｈａｎｄｌｅ　好多，但而家見大囡已大個了～　都想俾佢知道屋企有媽咪既朋友，佢可以ｊｏｉｎ together~

 

今次見佢, 佢都肯俾小朋友一起玩，仲俾人地著佢既dress up , 算係咁啦~

下次開party 預埋佢啦~

 

 

買物分享

去IKEA 買的玩具櫃，籃子係上星期已買落的了~~~

好想RETURN THE BLACK ONE , 可惜仃次去買, 佢又冇BLUE 得返黃色~

 

 

 

 

 

 

 

呢隻係細碗$30人仔，比平時飯碗細， 手工好呀!!!

 

雖然CHINA 做，但我真係完全分唔到佢係COPY OR NOT~看來應該係出口。

 

 

 

 

仲有隻同款，不過, SIZE 大的$42 人仔，兩個SIZE 真係超好~!!! 尋日已勁用了~

 

 

好在兩個SIZE 都有買~~

 

上邊兩隻碗，運費$16

 

 

 

 

呢款碟隻色又係靚到嘩一聲~!!

 

款我又鐘意，尋日已用了~~$20人仔一隻兩個色我都愛

 

 

 

HELLO KITTY 呢度係一SET,$99蚊， 仲有隻快子架同大碟，但大碟響雪櫃，仲有原來送筷子~

 

不過，筷子冇咩特別~

 

其他野係用集運, 所以, 我就唔知了~因夾埋妹妹既野一同到香港

 

 

加影一張我廚櫃放餐具既地方~

已處於爆棚既地步，右手面上下兩層都有白色既架，係ikea 買的啊~~!!!好靚既~!!!

 

 

 

 

自從多左點得意餐具，整廚房都開心點

，仲有隻兔仔碗$28 同打算復活節拿出來俾個驚喜兩囡，心形碟$10未入鏡，

因放左第度，怕拿出來整醒妹妹~

她而家睡緊啊~

 

 

最近生活十分充實

 

平時我地會一星期大約去一次全家大細咁去超市買生活用品, 食物~

 

 

大囡而家識買磨菇, 知道點叫做fresh 既磨菇

 

而家都係當造季節, 3 蚊有一盒125克藍梅, new Zealand or from 澳洲

 

有時我會整蕃茄雜菜牛尾煲，貪冇咁多肉，又順便食下蔬菜，但都係我同老公食多。

 

那個酥皮是鄰居送既~

呢個麵粉遊戲係整餅╴整完一個個洞就放粒細粒落去~

手眼協調~

 

 

 

這是妹妹放的了~

 

 

 

 

有次生日會，朋友的兒子一歲, 去左club 內開party~

 

估唔到佢兩個已識玩~

 

 

某天，兩個搶玩具bb車, 我後尾弄了個揹帶送給妹妹~

 

 

3月8日去生日會，另一朋友兒子剛一歲~~

 

原來可以在彈彈床內放氫氣球，

 

又幾好玩呀~!!

 

呢個彈彈床，仲大個上次我地租既一個~~~

 

 

 

 

 

又安排一些face painting~

 

 

 

屋內又放左好多氫氣球~~好有氣氛，細路又鐘意~

 

 

 

3月9 日去又IKEA, 買了玩具櫃回家~

 

當日天氣勁好~~大囡識話有好大既天空~

 

 

 

 

尋日3月10日，行IKEA, 佢地好鐘意玩個小朋友廚房仔，但$199(澳紙)，同埋, 小朋友玩左一排又會冇新鮮感，最後冇買~~

今日將3 個香港郵政既20公斤紙箱加一些本來想掉既箱製造左間屋，我做用封箱膠紙貼，佢地做畫野裝飾返間屋, 今日會用玻璃紙整窗，會加多幾個間格~~~

兩個小朋友好鐘意呢間屋~~可能因為係佢地有份整既關係~ 佢地畫得好投入~~玩得好開心。

第時玩呢間屋玩到冇咩興趣，再整第二樣。

 

 

呢個咁既屋，我整得好快手，10分鐘已整好~~因為聲住響老公返屋企前整好~要煮野食~~