因為香港有點事，我要返去簽吓文件，所以，今次返去真係好趕。
1月19日去買機票，21號一早就要飛香港，晚上6 點幾就到香港機場了。22號要簽文件。
今次第一次坐澳航，估唔到服務咁好，食物又好，職員好有笑容。真係好過國泰呀~
我來回都係坐A 380 , 架機真係好定，仲有TIM TAM 自助架，任食朱古力~~
呢個架放機尾近樓梯的附近既。
返香港我多數時間都係陪媽咪，或許是說媽咪陪我啦~
因為佢同我一樣都好鐘意SHOPPING 行街食野，亦見左3位朋友，幾乎全部都係成10年冇見過。
好在我表哥約我單獨見面傾吓計，否則，約一大班人飲茶，真係冇得邊傾的了~
今次返香港真係好順利呀~ 夾好來回時間係兩個囡唔洗返學，而老公家姐又能夠到我地屋企幫手，如果冇佢幫手，我都未必去得到呢~
而兩個囡都算乖，佢地不停話MISS U 咁我都肯定佢地真係有掛住我既。
