執行李執到如火如茶

聽日晚上6 點就會出發了，執行李執到如火如茶。

好在我地4 個人夾埋都有成70-80公斤可以上機寄艙。

大人每人20公斤，大囡都有20公斤，細囡好似10公斤~


兩個囡既衣物，用品已執到9 成，但已佔20公斤。

應該係帶3個大行李箱，3個手提。

不過, 去到香港，都會買野啦~~

唔知點解今次返香港好想煮野俾屋企人食。



希望兩個囡會乖乖響機場同上到機都乖乖瞓吓。

尋日出去最後一撃買手信。

但買得唔多了~

因為實在太多野要照顧，只係買俾屋企人同親戚，因為我生兩個囡時, 佢地越洋都俾晒大利是~~

真係令我唔好意思, 佢地真係好好好錫我既呀!!!

但我自己都覺得未買得齊，希望今次會親口同佢地講返聲多謝~!~~

有時唔知點解，我地明明知道人地對自己好, 我又唔知點開口~~~

但我相信今次會既~~~


9 小時飛行時間~~~!! 聽日起飛，係我結婚8週年了~~


今次真係大挑戰~!!

再次去間屋

I am so busy in these days.

today we just went to the house for the final inspection.

the house owner is nice and talk active, around 8 :00 , their 3 daughters already the school bags next to the door. the washing machine is doing his job~ wow, that means the mum/ dad is early to do stuff in the laundary.

間屋晨早流流都好整潔。

今次再次留意間屋既牆色，留意燈，仲有留意返間房幾大。

因上次open house 我都冇真正望過兩間房係點。~~


so far 間屋算keep 得好好，屋主幾有心機翻新間屋。

但佢屋企養隻狗，就令我有少少驚啦~

好在都算聽主人話。


個廚房都唔算細，只係設計上令人誤會佢係好細~



呢幾日已不停將舊衫拿出來, 唔留咁多舊衫啦，係keep少量有特別意義或真係好唔捨得啦~

假如將來真係有幸有no 3 到時買更靚既衫仔~~

因為去完香港返來, 一定會有好多新衫帶返屋企，到時都要位置放~~

呢幾日寫左要帶咩，有咩野要出發前做好等~~

開始執行李，但因為有些野仲要用, 所以，仲未執好

亦有好多家務做呀~
衫摺極都有~

香港又有什麼13價，希望兩個囡去到香港冇咩事啦~

聖誕快到了

本來同老公約定今年唔響屋企放聖誕樹啦~

擔心兩個囡時時整到成地聖聖誕波波...之類。

但呢排帶佢兩個去街，佢地對聖誕既裝飾好有興趣。

屋企有棵咁大既聖誕機，又唔開俾佢地望吓接觸吓，好似唔知點咁~~

終於，有一日星期四定星期五，未到12月我已自己去後園攞棵聖誕樹出黎。


兩年都係老公裝聖誕樹既~

今次突然心血來潮，自己一人攪掂..............

真係唔好講笑, 都幾重吓，係2.14米高呀!

又開紙箱各樣。

點知兩個囡好乖~ 好合作~~

我又整得比想像中快, 頭尾20分鐘已由拆箱至亮燈整好左~~


兩個囡都十分好奇, 又好開心。


大囡又幫手整少少裝飾。


如果叫一個歲半同3 歲, 唔好攪, 唔好摸聖誕樹既野~我覺得根本冇可能。

所以，我同佢地講，拿，你地可以去摸，仲可以攞聖誕波波落黎。


但之後, 要放返上去喎。

佢地真係好乖~!!!

已整左幾日嘞~~冇話特別攪到大混亂~~

係偶然會見到一個兩個波波響地上咋~又唔會搶來搶去~~~

所以, 我根本冇因為屋企多棵聖誕樹而勞氣。



大囡掛聖誕波波, 星星時仲自己高興到唱歌, 唱twinkle twinkle little stars.

但唱唱吓又會改歌詞....how many little star ...u are..

有時早上我未開聖誕燈，佢仲要我即時開返~

所以，我基本上由佢一起身已開燈至我地全家睡覺前先關上聖誕燈。


老公家姐話，仲有唔係好多日, 就上機...都望唔得幾耐..........

我都知~~係呀

開得棵聖誕樹兩星期都冇。

但我正面點諗: 就算10日都好過冇開過呢棵聖誕樹俾佢兩個喎。

因為即使出年聖誕節開出來，佢地既反應同表現已一定唔會好似今年咁啦~~

俾佢地多樣野接觸吓，玩吓，欣賞吓，學吓留意呀~觀察呀~

都係一個好好既學習探索同埋好好既經歷。

小朋友真係好需要大人響適當時候，去俾機會佢地去發展~~


我有時都好欣賞自己會有咁既主動同諗法。

今年開呢棵聖誕樹有著特別既意義呀~



如果你屋企有聖誕樹，考慮早點開出來俾小朋友接觸吓啦~~

仲可以一起整少少聖誕裝飾放上去呀~

還要學習

先送上妹妹上星期在家中自己爬上床望街景先~

尋日，老公同我地去shopping。
去之前我都講明我要去買內衣，但唔方便帶小朋友去。

老公要負責一看二，好在細囡又瞓左喎
勁難得。


於是, 我又想帶大囡去陪我買啦~因為我真係冇咩機會單對單同大囡去街。


咁老公就推瞓著既妹妹window shopping, 我就帶大囡去買內衣。

遇上買二送一。

真係勁開心。
全程大囡唔摟計，又靜，叫佢唔好攪fitting rm 既布廉，佢真係聽話。買完，見大囡咁乖，真係抵錫, 買左個小禮物俾佢, 係棉花糖上面有朱古力既~ 俾錢先知唔平~~要成au7 蚊~!好細杯既咋~

但唔緊要啦~ 佢乖，答應左佢要買, 就要買既~

行出門口就見到爸爸原來佢都買到琍rayban 真係好~~想買好耐，又可以買到, 仲買到條褲。

之後, 妹妹剛醒了~ 我地去坐低等老公去買野食,

我呢個媽咪, 今次真係錯有錯著本來帶兩個桃駁梨係俾自己作減肥lunch , 但卻好可以俾一個大囡, 自己又同妹妹食一個，咁又有帶提子乾，又有小小餅，佢兩個都叫有耐性等成20分鐘有多。

兩個超乖~~!!!買完野, 再行多一陣就返屋企~~

但返到去兩個唔願瞓，老公又話要去買麵包奶等等，我就唔知點解超忟。

仲尖叫~~~~~~~~~~!!!!

最後，兩個都冇瞓了~~妹妹仲特別痴身~

我又要忙預備晚餐, 已4 點幾了~

心情勁差~~

老公返來, 可能我唔多好心情, 佢都感覺到啦~

佢幫兩個囡沖涼~沖完涼，我都差不多整好晒晚餐嘞~

5 點20分已開飯，唔知點解我好想快點食完晚餐，好似任務就完成。

食完，仲好早, 就帶兩個囡去住我地隔離既西人鄰居門口玩吓，因為佢地都出左門口玩+佈置燈飾。

 

尋日去商場影既相

姐姐同鄰居影既相~

 

 

妹妹都同鄰居影相~~

同佢地出左去屋外一陣, 回家再攪兩位小朋友瞓覺，心情好好多了~!
希望可以控制自己既情緒好一點~~

有時, 佢地唔願做, 唔肯做, 唔肯瞓都冇法子~

有負面情緒，攪到自己又唔開心`~

仲有唔夠20日就見人啦

時間過得好快。
雖然我未執行李，但都會今個星期開始慢慢執的啦~

我依然好努力做運動，而家已可以一口氣做sit up50下，而唔覺辛苦，我相信係因為肌肉強壯左。

好滿意自己付出既時間同努力，細囡瞓覺都算好左好多，開始可以一覺瞓天光，特別，我多數11點打後先瞓，咁我瞓到差不多6 點幾咁上下，細囡先醒，我話晒都叫做有6小時以上既睡覺時間啦~

而家既運動量係: 每日跳一隻鄭多燕+80sit up -120下咁上下。

80下唔係一次過做，係可能30上午，30下午, 20晚上....咁樣。

我唔會一次過做咁多下既~50下係極限，整傷自己就唔好啦~

好緊張~~~
唔知兩個囡到時乖唔乖~

沒怎樣減磅, 但

我依然有堅持做運動，就算當日冇跳鄭多燕都一定有做sit up , 一星期都有最少跳5-6 日的啊~

真的算幾勤力。

但雖然係勤力，但真係冇點減磅。

依然都係45公斤。

不過, 有條褲都冇著2 星期左右的了。

今日再著, 竟然覺得鬆喎~

冬天買這條褲時，係剛剛著得舒服。

但今日再著, 好明顯係鬆左。

同埋，感覺背部肌肉都係少左的啊~

肚腩真係好難減，但都係努力中，希望還有幾星期就回香港了~

盡量做到幾多運動得幾多運動啦~

好多人都冇見我5 年啦~~

真係希望有點好成績啊~

唔想俾人感覺, 生左兩個小朋友就成個師奶咁~

我最想人聽到, 哇~~生完兩個都好似未生咁既~

哈哈~
咁就好嘞~!!!

未來一星期，我會開始慢慢執行李，同埋，開始寫定有咩要買的了~


仲有，聽日係playgroup既最後一日, 但多數會唔去, 因為最近天氣好差, 又凍返仲時時有雨~

咁之後，playgroup 要2 月先開學的了。

明天是結婚8 週年了(香港擺酒)

聽日係結婚8 週年了~
我心中好想同老公二人世界去食一餐，但又好似冇人幫到手照顧兩個囡, 只有老公家姐可以幫手, 但佢又唔可以一湊二喎。


即係又要叫埋佢先生，咁又好似勞煩人地一放工就要來我地到湊兩個~

我都唔知點開口。


本來尋晚仲打算出去食(全家人), 但呢兩日又落晒雨咁~~都唔知點呢

但點都好, 最緊要一家人整整齊齊，健健康康。



尋日我一聽到老公話出去剪頭髮，唔知 點解覺得，竟然你耐不耐出去扮一扮靚, 點解我唔可以出去做吓運動呢?!

於是叫佢, 返屋企後, 我都要自己出吓去運動。

點知~~佢返來又勁落雨~~

我想像唔到拿著把雨傘點出去做運動囉~

於是, 我拿晒運動鞋，衫褲，啞鈴同埋tab3仲有支水 去左單人房。

同佢地講我瞓覺。

不過, 我攞既時間，我老公明明望住喎，我估佢應該知我其實係做運動啦~

點知，我做埋啞鈴操+50吓sit up

佢地又幾乖喎，玩完一大輪就去電腦看了好幾集卡通

出到來，佢地原來真係唔知我去左做運動。

變左, 我唔洗將做運動既時間迫左去晚上先做。

講真, 晚上有時洗完碗，都成9 點幾, 坐左大半個鐘，仲要做30分鐘運動都幾累~
時間分開點，好似好點呀~

最近呢個月，我真係積極左好多好多。

同埋, 多數都要自己做左運動先有得食~

30下sit up又好~ 20下都得。

因為, 食完就要等一時間先做得運動囉~

而家一日既運動量，基本上係30分鐘鄭多燕，仲有60至120下sit up
幾多吓就於當日身體有幾精神嘞~~~

所以, 可能因為已運動左一排，sit up 做得順左好多。

最初10下我都覺好辛苦~~
而家可以一口氣30下。 停一停少少~~再20下咁~~

磅數沒變，但好明顯，沒有肌肉痛，個人開心精神晒

這個11月

踏入11月, 時間好像已經不多了~

我指你我減免路上..仲有好大個肚腩要減, 點算~?

講返最近既好消息~


回顧10月，最叫人高興的是，我們經過去左好多次open house, 看過幾次auction 後, 老公又聽我話, 選返買同區既屋去投資。


講真, 呢一兩年, 屋價升得好多，我地住緊呢間都升左唔少~~

只係如果再等樓價回落, 先再入市投資，真係唔知要幾多年~

但我鐘意而家呢區, 因為租盤好少~所以, 我地認為會易租出去。

最後, 前2-3星期左右，有間open house, 地點仲係超近我地屋企, 近成點呢?! 我地由後園望出去, 已望到心水屋既屋頂。

間屋係處於內街, 基本上唔洗裝修，而屋主條件所講明, 佢地set 左租金, (價錢合理, 我地接受左)

而佢地亦講明,只賣俾作投資作用既人，因為佢地而家亦起緊屋, 所以, 要響呢間屋住6個月-12個月。

咁正合我地意啦~!!!

同埋, 我地比較傾向想買間屋, 最好唔洗點裝修，因為而家已有兩個囡要照顧，邊找得出時間去裝修一番, 就算搵人裝修，自己都要去搵, 望吓咩材料會襯，去格吓價~~

而呢間屋, 廚房, 洗日間都係新裝修既~地板又唔洗換~
間屋算幾清潔

(及後, 同supermum 說起呢件事, 先知原來supermum 曾同呢個屋主太太傾過計, 呢位屋主太太係專幫人既mansion大屋, (大成點?! 5-6間房，幾個洗手間那些)清潔執屋既~

啊.....咁唔出奇, 佢屋企又真係幾整潔。

後園亦執得幾好~~


經過一連既等呀~見見律師呀~ 等銀行結果呀~ 今日2013年11月8日終於去俾首期了~

36度還是去playgroup

今日我早知係33度, 所以出門口前，

已預備左洗切好既carrot 同雪成冰粒藍梅俾兩個囡回家路上食。

 

 

但原來回家在路上望到教堂門外顯示屏係36度~!!!

 

 

 

不過，今日，兩個囡好乖，好合作, 參加左好多活動，

我覺得我辛苦推佢地來回都值得。

 

回到家12點半有多, 我全身，怎至連underwear 都濕晒~

 

 

 

好啦~看返今日既活動。

 

都係有開tent , 但今次主題係camping

 

好野喎~

 

大囡一望就知係火~

 

 

 

 

室外亦整得好有新鮮感

 

用蚊拍來做畫具，我從沒想過~!!!

起初大囡只看，又話唔想玩, 點知最後兩個玩到唔願走~!!!

 

 

 

 

連帽都有顏色，臨尾妹妹仲唔覺意拍我面一下~!!

 

大家想像下~

 

 

 

 

 

 

 呢幾包野好有質感，係液體但軟綿的，刺激小朋友用眼,視覺 手既感覺，仲放閃粉閃片等不同顏色形狀物料。

大囡仲好鐘意穿珠仔，實習生俾佢帶返屋企

 

 

t

 

 

on4io2mu4hi 7vd

第一次出去玩halloween拍門攞糖

搬去呢度, 往年都係小朋友拍門玩trick or treat 的，今年，我主動約鄰居supermum, 話不如今年我地帶細路去附近玩吓trick or treat 啦~

 

 

鄰居又約埋西人mum 同佢囝jacob, 點知原來同行仲有jacob 既鬼仔朋友, 應該8 歲咁上下。

 

 

 

 

 

 

大囡著南瓜仙子衫，細囡有件披肩既~但行到尾聲我幫佢除左啦~

 

呢張係之前一晚影既, 萬聖節當晚就係響街度影, 因為我地出門口已遲左少少, 鄰居已等緊我地了~

 

亦都好在冇帶機出街, 我專心點帶兩個啦~

 

話晒係街又有車~

 

 

 

 

 

6點半出發，所行既路，其實咪就係平時我地食完飯行既路囉~

 

 

 

有些人既門口真係有整裝飾，所以, 小朋友一望就會知可以拍門, 有些就要試, 但有些會在門上寫no Halloween, 所以，小朋友就唔會行去的了~

 

當晚所見，大約都係4,5 隊小朋友，廿幾人左右啦~~妹妹係最細個既小朋友

 

但有時剛好在同一家門前出現，覺得好多人，有時只係有我地6個小朋友就ok 點

因為有些人既driveway 係斜既~ 我有時都擔心大囡會攞完糖跑落黎時會跌倒。

 

 

 

因為去年某月試過一次，那次心痛到我不得了~

 

而家成年都仲有疤痕。

 

 

好在當晚沒不快事發生~

 

 

我見大囡跟住鄰家既兩個囡同兩個鬼仔跑去人屋企門口..雖然聽唔到佢講trick or treat ,

 

 

 

 

但真係見到佢跑上去跟住人既一種自發性，見到佢笑~~

聽到佢話my pumpkin is nearly full, I am so happy

 

妹好亦完全唔洗我抱，我就過馬路或有些斜既路就抱佢，

 

佢仲全程自己攞pumpkin ,

 

真係好叻女。

 

我地都一定會要小朋友攞完糖要同人講thank u ~ 

 

 

當晚真係勁多糖，臨尾既幾間屋,, 我直接多謝人地, 只好俾一粒好了~已滿啦~

 

 

有些鄰居，直頭已預備埋一大盆糖果, 朱古力任攞，

 

 

真係好開心。

 

 

 

 

 

爸爸就冇去, 但留在家幫我洗左碗~太好了~

 

兩個算好乖, 知道要拿返屋企先可以開來食。

 

 

看耶, 當晚有咁多收獲。

 

左面大囡既70粒, 右面係細囡既都係50粒~~

 

當晚俾左一兩款佢地食~

 

但之後既就當然選過，有些送左俾cousin 有些留在家，危險既圓波波size 既, 我就拿走左了~

 

 

 

 

前晚，有消防車到我地家前面,

 

原來鄰家既電箱燒左~

 

不過, 冇火既~消防隊來檢查吧~

 

兩個好有興趣，出街望完, 回家都仲要望~

 

玩野呀~歲半就想唔瞓中午覺

呢排時間超唔好用~~

唔知點解呢排妹妹好難先瞓到午覺。


有可能因為佢晚上好瞓左~

以前佢一晚醒幾次, 最近呢兩星期左右，佢可以由晚上8 點幾一瞓就到第日, 起初係5 點幾就醒，先再抱少少, 就瞓返~~

之後, 可以6 點幾先醒。

有時我地俾完豆奶佢飲, 飲完同佢講，拿你飲完要再覺覺~!!!冇得起身呀!太陽未出呀!

佢真係俾我放返佢去床~之後碌碌吓又竟然自己瞓返~!!!
就算唔瞓返起碼都碌幾個字至半粒鐘，變相我可以休息多少少啦~



有時仲8 點先醒，但中午就難攪了~


因為唔拍瞓已好耐啦~~

佢而家中午碌一粒鐘都未瞓得到.............就算話佢, 俾佢喊, 佢喊完, 累晒都係唔瞓~

我明明見佢幾次打呵欠~~~但都係唔瞓~~

有時, 拖吓拖吓都3 點啦~~都唔要佢瞓了~因為我廚房野完全未做過~!!!

所以，而家覺得時間唔係幾好用~!!

日間未必用到電腦，晚上我老公一沖完涼就用電腦~

我一係用laptop一陣啦~

但我係做完運動先用電腦既~

我愛上運動

最近，好似有恆心左做運動，以前，一出左街都唔太有心機會夜晚做運動的，但而家，都要做返。

但看返上年減肥既野, 原來110磅係由8 月尾開始至1月先減到去最輕既95.7磅。

原來都花足幾個月先減到, 但今次我係由45公斤即99磅開始減。

磅數上，我真係唔覺大分別，但體能上係好左既~
以前我邊做到幾多下sit up

一開始連15下都覺得辛苦到爆~~

但而家可以一口氣30下, 40下咁上下。

我懷疑都係唔好一口氣成40下, 尋晚一口氣50下，但瞓落床時, 覺得左邊肋骨有點痛，

相信係同上次見醫生所說，肋骨之間既肌肉痛。

真係減都唔可以太急，一陣整傷左...休息吓幾星期就前功盡廢啦~


長玩長有~~哈哈~~

10月尾的playgroup

2013年10月24日

 

帶兩個囡囡來了這個playgroup整整一年了。大約玩左20次左右啦~

 

大囡幾鐘意玩呢個活動。

妹妹鐘意去飲水

 

大囡都識同人表達想去飲水。

 

 

呢班實習生都幾多，當日又唔係咁多小朋友在場

所以，實習生都時時陪響我囡身邊同佢地玩。

 

 

 

釣魚遊戲好玩~ 大囡玩左好耐，我離遠聽到佢仲講好多英文。

 

同埋, 都幾大聲講，相信佢係幾relax 同唔算太害羞。

 

I am fishing I got the yellow one.......

 

 

妹妹好鐘意去沙池玩

 

 

之後, 兩個去左室內，老師擺左好大型既去露型既tent俾小朋友玩吓音樂, 樂器

 

 

 

不過, 妹妹卻去 看書

 

 

姐姐搵到dool house, 自己玩~妹妹自己build the block~

 

 

outdoor story corner

 

 

上次淋花, 兩個囡都好鐘意, 今次，大囡又話去淋花嘞~

 

呢個設施都係好似呢一年先有，係用屋頂既雨水收集後用作淋花種植用途，

寫明唔好用來飲用。

 

其實, 有些住宅都有呢個設施既~

 

咁可以用來洗車或種野，唔洗吓吓用水喉水咁貴, 又環保。

 

 

 

 

今日班學生set 得幾特別~

 

 

連茶點都特別，係有得食plain pasta or vegies and chicken pasta水果: 西瓜, pineapple and cucumber

 

 

大囡好鐘意食菠蘿

 

 

仲有呢樣自製玩具，又幾環保喎

自從有左.......

自從有左Samsung tab 3 , 真係大件事, ，我已經唔係玩game , 但因為唔熟，唔知點用, 我花好多時間去摸索。

講真, 而家都唔係好熟，仲係好生手，又未裝whatsapp, 好多野都係未裝，但唔知點解可能用慣左電腦，laptop, 用tab 就勁唔慣嘞~

仲攪到晚晚都遲瞓,呁日間就當然唔多願起身又或好似冇咁好精神啦~

所以, 我估我就快用tab 3 只限weekend。


其實, 好多好多人一早已用緊i phone, galaxy 用緊i pad , 我點解一直都唔買既~

因為我一來唔想自己成為時時篤篤電腦，邊照顧小朋友既媽咪。

我見有些大人，一邊去公園陪仔玩, 一邊自己按手機~!

唉~~~

二來, 亦都唔想兩個囡咁早就去玩呢類電玩野~

當然，我知裡面有好多益智game, 但我自己覺得幾益智都唔會俾你讓佢自己去做手工, 去看書, 去看麵粉團咁好既~

所以, 我兩個囡一直都冇機會玩呢類電玩

直到，就快要返香港了~咁大家都知上機前響機場真係有排等既~

特別我地係夜機~8 點, 但唔可以撞正放工時間先出門口，一定要早過班放工時間揸車既人去到機場。


所以, 當日應該,3,4 點已要到機場的了~

到左機場，小朋友唔似得我地咁有耐性，慢慢陪你行duty free, 我很愛行的，問題是:她們咩都想摸, 比較難攪~~

所以，有時預備定部tab 3 , 等佢地可以坐定吓...消磨時間。

特別響機度, 最好當然係全程瞓吓啦~~

但萬一佢半夜又瞓唔著, 未落機又醒左~都要有少少野令佢肯坐定定。


就係咁我地買左部機啦~

我老公直頭一日都未必開機一次，佢話廢事沉迷。

我都暫時限定大家唔可以響兩個囡面前開機~!!!

所以，佢地而家根本唔知屋企有呢部機~

忙到打blog都冇時間

人生既另一起點

今日到左我地人生既另一起點。
其實, 呢排我地如常有去看屋。

但今日真係去實踐---- ~

希望買屋既事順利

最近活動

2013年10月24日又返playgroup 了~

 

 

呢個活動好玩, 但一定要響室外玩~~~屋企玩, 真係執到我暈低啦~~

又怕佢地整dirty 野~

 

呢度玩就好嘞~~

妹妹識話飲水水~

姐姐想飲水, 都識搵人幫忙~~

 

 

今日仲有個新既遊戲~~

 

大囡好鐘意玩~

 

 

 

 

室內竟有個tent 用來俾小朋友玩吓樂器~~

 

又`幾有創意喎~~

 

 

 

大囡鐘意淋花~~~

 

我都有打算響屋企整幾盆花同佢地種吓~

 

 

 

 

茶點, 有西瓜, 菠蘿., 奇異果, 仲有青瓜，仲有意粉，可選plain pasta or vegeies chicken pasta~

 

 

 

3 蚊一個人，有咁多活動又有野食，仲有好多活動我影唔晒~~

 

好有質素既playgroup~

真係勁抵~~

 

我又可以和鄰居傾吓計~(我去之前同佢講聲, 我就快出發，希望到時見到佢~~)