由前星期開始, 因為大囡時時返學都摟計..........話唔返學~
有次我想起不如整個蛋糕仔佢帶返學校啦~
可能佢會開心返學呢~
點知整開有條路，上星期冇俾佢攞，返學前一日已同佢講，返學唔攞蛋糕仔了
最多回家時, 俾佢食返~
~佢出門口前自己醒起~
堅持話要攞, 好在雪櫃有一個~
因為爸爸趕住開車返工了~所以先順路車佢返學~
不過, 爸爸都講，佢帶住個蛋糕仔返學係開心好多, 又主動show it to other people
又主動開心同爸爸說再見~
今晚我其實洗完碗都已9 點20分, 問老公整蛋糕定唔整~!!!
佢話, 唔太辛苦就整一個俾佢啦~!
佢開心點呀!
唉~老公, 邊有得只整一個?!
所以，我整左6個~
不過整完都幾滿意，但前後用左一粒鐘時間囉~!!!
好在下午我已跳左鄭多燕~!!!
話說回來, 我已跳左連續7日了~~!!!好野~我要努力!!!
頸痛真係改善左~!!!
No comments:
Post a Comment