姐姐脾氣有改善，妹妹開始識摟計

明天，大囡已兩歲10個月了，雖然有時都係會摟計, 但開心既時間係多左既~

懂得關心妹妹, 亦開始懂得分享，有時都會見佢自己主動俾妹妹食野或飲野~~

而且, 我覺得姐姐已好識得用英文表示自己既想法，怎至諗野好有邏輯，真係開始似一個3 歲小朋友。

當佢開心既時候，真係易湊好多，佢開始識聽吓人講道理。

早排，起身其實都幾涼~8 點咁上下仲係未有20度, 佢為左靚，佢係都要著短袖~

起初頭幾天, 我都係由得佢，
但佢手係涼既~

後尾有日去鄰居屋企玩，剛好又有人地既親戚既小朋友在場~~
人地都有著埋長袖外套..........




我開始覺得，我唔可以咁俾大囡話事~~如果佢暖都冇所謂，問題佢手真係涼冰冰，我自己都要著外套~

第日起身佢又係要著短袖衫，今次真係教訓佢~
唔打, 唔鬧，但我話我好激氣...........我好擔心佢~ 叫佢唔好行埋我度, 俾我冷靜吓。因為我想佢著衫, 我想佢暖, 舒服。

佢如是者, 喊完, 好合作著衫~~

之後既每一日，佢都主動會在著短袖衫後，再著外套。

太好嘞~!!!
如果教一次之後, 佢記得佢會聽話, 咁我覺得係成功~!!!

妹妹就好大脾氣，同好心急, 唉, 下次再講。
又醒了~