家中活動

兩個小朋友一個一歲10個月, 一個3歲兩個月好妹聽得明好多, 又開始識得玩，可以參加好多活動。

妹妹已要一起參加塗麵包，搽醬....

人地整蛋糕，佢又要參加，包餃子又要參加，起初，的確有少少難控制，

即使係已準備晒野, 都會有突發事~~

但而家同時, 大囡又識自己去洗手間wee wee，所以，我可以話叫做輕鬆少少~最少唔怕佢突然瀨濕地下~


我又多左俾佢地出去outdoors 活動。

唔洗吓吓響屋企玩~~出去畫吓畫，感受吓自然風，空氣，望多點樹呀~草呀~ 心情都好點啦~!!!

所以，而家畫畫亦變成時常玩的活動。

加上佢地畫一陣，我有時可以join 下, 有時可以響brench top 自己用吓 tab 3 上少少網，可以在廚房煮少少野或預備食材，真係感覺上好"善用時間"~~~



仲有妹妹又識玩角色扮演，變左有時可以同姐姐一起玩吓~~
當然，我都要介入吓，搶玩具，突然，俾妹妹攪混亂亦時有發生。

但有時佢兩個乖時, 我又覺得好安慰。

呢種感覺真係只有全職媽咪先感受到。

這是今天的午餐

昨晚我自己整既電腦仔~~

包完後, 要兩個囡畫野設計，

最後爸爸又應兩囡要求寫下字~

妹妹貼圖

 

佢地好鐘意呀~今日仲玩緊~~~

 

原來整吓咁既手工仔又幾開心，仲唔洗吓吓買玩具~!!!

上星期六用濕巾紙盒，剪兩張紙皮，包好佢，之後又俾絲帶兩個囡設計個相架~咁又係一個低成本又好玩的勞作~

整左近一小時~

上星期因有天知道4,5 點可能會好大雨，於是, 一3 點就拿拿臨去接囡返屋企。

返屋企咁早又唔知整咩好~~

於是, 即興整蛋糕。

佢兩個又乖, 於是, 仲即時整埋meringue, 上蛋糕面~
估唔到，咁順利~!

整完想起原來係妹妹一歲兩個月正日。

我地仲唱埋生日歌~~其實純粹開心吓。

我一向都係只慶祝1,2,3...歲生日~唔似好多香港媽咪咁半歲又慶祝咁既~~

呢個屋企整既蛋糕成本唔貴~~又可以俾佢地參加埋~~好過出面買呀~
自己可以控制牛油, 糖既份量~~

係咁多先~!