呢度既幼兒服務

悉尼既幼兒學校。

我之前都唔明某些西人/ 其也家長點可以一湊3,4.....個小朋友~ 特別如3返工又點算呢?

其實, 呢度既幼兒學校，例如: child care center又或叫long day care , 有些係提供朝7晚7 既服務。

如果家長返工，就響呢段時間內放低小朋友俾幼兒工作員。

而照顧既歲數，大約係0-6歲，但我相信多數都可能起碼幾個月大先俾佢返child care center 掛~因為一出世都好多針，好多野護士會上門跟進又或去健康院..加上, 如果呢度媽咪係返工開, 都可以有產後假，咁應該會大少少先返child care center~



好似我鄰居，佢最近讀書，變左佢大囡讀緊小學, 平時係8 點半先上巴士，但佢送唔到大囡返學，就會將大囡帶去child care center , center 會提供埋野食，由司機嬸嬸車佢返小學，啊~咁當然唔係只車一個小朋友, 仲有好幾個既~ 可能同一學校或唔同學校。

咁到放學時間，佢可以又請child care center 去學校接放學，車到返 center, 總之你6 點前接囡就得了~


其實, 我地間center 只開早7晚六既, 但門口既招牌...一直都放住朝7 晚7 ...我覺得學校有點點欺騙成份啦~


但千萬唔好遲接放學呀!，因為聽說遲一分鐘係收成5 蚊au~

另外，呢度又有一種叫family day care service, 係一個成人可以同時最多湊5個小朋友。

係響自己屋企湊既~ 時間上彈性好多，都係自己同家長傾返幾點收小朋友。

但自己開呢類服務，首先要讀左child care 書, 畢左業, 攞到牌嘞，再執返間屋, 例如: 廚房地方要有gate, 各樣，怎至連門口附近地方都要有位俾家長泊車等，之後由政府部門來批~或要你更改，合格先可以收生。


以上既服務，基本上都係有政府資助，變相家長唔洗俾全費，但當然，資助既金額, 就在於家庭既人數同收入了~~
收入少, 就政府幫多好多..............收入多...就政府唔幫得到幾多了~


而幼兒中心，大大大部份都係開一至五, 假日唔開

呢度都係多數工返星期一至五，影響唔算大。

除非服務行業飲食業....

以上資料, 希望唔好講得太錯~~ 我只係講我知既大約情況係咁~~

如果日後有其他野改左, 又或我講錯~ 麻煩大家講返我知~~