少左打blog

最近少左打blog，之前因為全家病晒，而家只剩下妹妹仲傷風緊...

晚上我要追忠奸人，日間大囡已好多日唔瞓中午覺，所以, 日間基本上都無閒情去打blog了~

在大囡返了學的日子, 我也會帶妹妹去街或圖書館。

加上又要開始淘寶，之前打算在澳洲買晚裝，但發覺要成au$ 100, 自己看得上眼都近$200

但我仲唔係太鐘意當中既款，所以，而家想響淘寶買嘞~反正仲有3 個月，足夠時間的。

仲有兩個囡既飲衫。

諗起返香港就開心了~

家庭主婦生活，依然好精彩。

我真係好享受可以做全職媽媽，兩個囡有時會好乖, 當然有時都會令我好忟。

記得前星期六，老公去買野..

我一人在家看住她們一個早上, 姐姐玩什麼玩具也好，看圖書也好, 妹妹也來搶，姐姐玩LEGO, 妹妹就來破壞，兩三次的把姐姐按在地上, 姐姐也不能起身~就算喊，叫妹妹STOP, 妹妹也照樣蝦姐姐~~

早上就是說教, 警告, NAUGHTY CORNER....說到我心情都差了~

老公回家後, 沒多久妹妹就睡了~

大囡睡不著, 我和老公說，我被妹妹弄到心情都差了~想帶Courtney 去街~

就是這樣帶了大囡坐巴士去街了~

星期六巴士是每30分鐘一班的，好在我們等8 分鐘已有巴士。

只有我和大囡去行街~感覺真好~~

去了飲咖啡食甜品，買圖畫用品，顏色...

回程時, 叫老公帶細囡接我地~

順便去埋食晚飯~

但原來大囡都未有心情和我看衫的，我主力去看晚裝，她好像感到悶~

她懂和我說，why are u so slow...why you don't move..still here?
哈哈，即係話我去左間舖，行得慢, 唉呀~買衫當然摸吓，又照照鏡，又行吓自然慢的啦~

所以, 都係看了幾間咋~

最後買埋氫氣球給她和妹妹~~她們都開心晒~