又一嘔心瀝血的作品

現今既小朋友，真係物質太寷富，

 

講真, 能力買到既，有時都想買俾佢地。

 

但有時我都唔想個囡一講話要一樣野(特別係玩具呀~),

 

又一定要盡快買俾佢, 因為太快滿足到，反而未必學會珍惜。

去年左右，去鄰居屋企，人地有 doll house, 大囡就話想買。

其實, 我都心大心細想買俾佢地，但買左之後, 佢地會玩幾耐呢?

會唔會玩左一陣又冇左新鮮感呢??

於是, 上次左4 個紙箱整左doll house, 雖然唔及出街買既靚，但見到兩個囡可以加野上去, 加樓梯之類，呢樣既創意係自製既野先會咁令佢地發揮出來。

當然，都幾花地方，囡囡都冇新鮮感，於是就掉左~

但我享受可以同佢地一起整野既過程。

Courtney 好多次同我講想要廚房。

 

但我覺得花完錢買俾佢, 但冇左新鮮感後, 又被冷落一旁，到佢地大個左又要送/捐出去，

 

呢百幾二百蚊澳幣值唔一值呢?

 

 

不如，同佢地一起創造一個啦~

我地有傾過廚房要有咩~ 佢話要洗碗，仲要煮野, 仲要想焗野既 oven , 仲話要雪櫃。

就係咁呢個廚房就誕生了~!

呢個係整俾兩個囡既迪士尼廚房，有兩個sink 盤。

 

 

• 有4 個爐頭，仲有可以拉出來既櫃。

 

• sink 盤同拉出來既櫃都比較花時間。

 

因為要諗點要整。

 

• 仲有雪櫃，未整完既,雪櫃本來個箱好大既~係我自己改過，呢度又用左時間。

 

 

 

 

 

我仲想加埋廚櫃~!

仲有答應了她們，將會整個焗爐。

個焗爐既門會用少少透明PVC 整既門。

 

 

聽日先開張，趁佢地未玩~

 

俾你地看吓先~

 

 

你知啦~! 點知聽日會不會廚房又要俾人拆到要----重新裝修

哈哈~!!!

好嘞~!!!今日超累呀~

11點整到4 點半~~~拿拿臨要去湊大囡放學~
放學回家, 我仲要煮飯，整晚餐，6 點半開飯，之後同兩個囡沖涼~


冇法, 因為老公唔舒服，我都想佢休多少少息。

兩個囡瞓落床已8 點半, 我先去洗碗，洗完碗已9 點40分~!!!

唉~~已冇力跳鄭多燕啦~!!!
對腳勁累~

沖完涼已10點35分~!!!

上FB 而家11點15分又要睡了~!!

希望聽日兩個囡合作少少~!!

雖然累, 但見到個廚房, 整左咁多野~真係勁開心~~~!!!

喂~出面買~~ 在於幾大同咩物料，但點都要AU $ 89至$200啦~


我呢個，我一張3 米既DISNEY 花$4 , 買左色紙($1.5-1.8)一張共8 張。

我估大大約約都係20蚊咁上下~
整到咁多野~~!

唉呀~紙箱響玩具反斗城，見職員拆箱，叫佢俾4 個我地囉~!!!

我以為4 個一樣大細, 點知4 個有3 個唔同SIZE~! 算啦~!  總之整到~!

得左~!