老公病左

我地呢度已算係深秋，但亦已好像是冬天，其實, 我地上幾星期先去玩沙之麻~

但唔知點解個深秋好似好快就過，呢排起身, 一早一夜都幾寒~~

8-15度, 老公都話佢揸車返工都開埋暖氣，今日佢仲幫我地個客廳開左暖氣先返工，
所以, 我地早上都幾暖~~好舒服~~當然都幾乾~


但其實, 我麻麻地鐘意呢度冬天，因為上次返香港，我真係覺得香港唔凍囉~~~

香港既冬天係好舒服。


我一直心底裡覺得香港冬天都好凍吓，可能因為以前要返工, 仲有時如果返8 點，即係7 點咁上下，已經要出門口。

咁返工，又等車呀~之類，個個一定著羽絨。

加上，有時落埋雨，又大風，都可以好凍吓。


只是，住澳洲真係住得耐左，呢度我如果最凍既日子，唔開暖氣，因為要著兩對socks, 一對cotton , 一對羊毛。

沖完涼，仲要開住暖氣/吹風機著衫，但其實浴室已開左香港人叫既小露寶，暖燈，但都唔夠暖的。可能我怕凍?!

日間有時真係試過去凍熱水涼，令自己暖少少~

當然，有時都會開暖氣..........(開親都有點肉痛...呢度電費貴~)


但囡囡出世後, 總之凍就開的啦~~~最緊要唔好凍親佢地~!!


不過，住澳洲，我真係勁少著羽絨，因為出街真係冇人著的。可能大部份人都揸車，一上車開暖氣，一落車去商場又係有暖氣。

上次返香港，我地都冇咩點著好多衫，有時，日間暖時，我著短袖，記我有一日18度咁上下，我地又去坐火車去公園玩，有個火車站職員見到大囡, 當時佢著短袖連身裙
，背部有少少露背design 加條legging,職員話: 吓~!唔凍咩?!


其實，大囡本身就唔係幾怕凍~

我媽咪說話，我地住響澳洲，冷慣左~似外國人...唔怕凍~

咁我又未至於...咁勁~!!! 我見唔怕凍既西人，尋日早上14-15度咁上下，我響屋企8 點幾，有太陽，但響屋內，我仲著緊3 件衫，出面個西人鄰居，剛送左仔上巴士，佢係著一件夏天既短袖+一條長褲，係咁多~!!!


希望今年唔好太凍啦~~

一轉季，先係 大囡天氣乾燥流鼻血，之後, 又流鼻水，有點咳，而家到老公感冒~~~

已煲定雜菌雞粥，希望佢快點好返~

我冇跟中國人話感冒唔食雞，但就唔會俾佢食好補既野~~
好啦~就快瞓~