昨天，約了我以前讀書既同學+老師到我屋企食野~ 聚舊。
當中，來自中東既同學，事業發展十分成功。已有兩間快餐店在city 做生意。
另外，最近仲響附近區一條街~買左間咖啡店~
以前只有兩個囝既佢, 而家已經一共有2 囝兩囡了~~
我去過佢屋企，間屋兩層既大屋，仲有後園，打理得好乾淨~
真係要向佢學習吓~
尋日我兩個囡都算幾乖~~ party 既野食, 佢地只愛吃我炸既印尼蝦餅，但佢地肯自己玩, 我已經好開心，我起碼仲可以同朋友傾少少計~
連老師都話，小朋友好合作~
綠色衫既新加坡老師好幫得我地手, 仲可以到我送朋友出門口時, 佢幫手幫我清理餐桌+洗碗~
有點似我媽咪啊呀~哈哈~
要說說這件衫, 去年生日，買了點冷，想獎勵自己，織/鉤返件俾自己著~
因為咁耐而來, 我最多只整個俾自己既係頸巾，多年沒再整野俾自己著了~
兩個囡大左, 反而唔鐘意著我鉤俾佢地既野~
去年, 我連書都買埋, 係織俾小朋友既衫既書，個個款都好好~
但我都覺得而家大囡大個左.鐘意公仔pattern 或特別係長裙~
仲要好七彩或粉紅色
我怕織左俾佢地佢地又唔著好浪費~
特別係浪費我既寶貴時間啦~!!
不如我整返件俾自己仲好~起碼我一定著~!!!
我估唔到整完, 原來可以襯到條裙，遲點有時間可能加多點銀灰冷在領口既~
但聽住先~只怕到時又忙第二樣野了~
呢排妹妹睡訓好差, 晚晚都喊一大場先訓~
唔知幾時再好少 ~
好想幫大囡轉校~
好想好想~佢而家仲讀緊2-3歲既一班。但佢已3 歲半了~
明明我大囡一歲左右就入學。
本來今年年頭佢3 歲, 可轉去3-5歲班,
但2月時就話7 月，7 月上星期，我問主任，就快7 月中，我囡幾時可以轉3-5歲班，
主任話係2015年既1月。
到時我大囡4 歲了~原因，因為而家4 歲既小朋友好多，已full 晒~
除非我俾星期一, 星期五佢讀~
但星期一, 星期五係悉尼時時public holiday or long weekend 就會影響到，冇得返學~
但冇得退錢既~
咁我好唔明，點解學校明知我囡2014年年頭足3 歲要升班，點解都一直收4 歲班學生，
收到full 晒，到我囡而家係適合年齡就冇得學佢而家呢個年齡既野呢?!
班中老師話會調節返俾我囡做既野~
例如:寫明，要跟虛線，要跟線寫。
但講真，就算唔係教過書，做媽咪都知將個3 歲半同一個兩歲既小朋友放埋一起教，
你講既語氣，用詞，要求，學既野已唔同。
仲有一樣都幾激氣既野~
我囡對茄汁敏感，一食左, 會肚仔出紅疹，
已經通知學校，連煮野食嬸嬸都知佢唔食得茄汁。
上星期，食炸(焗)fish finger , 放學我問大囡有冇食呀~第一次響學校食呢樣，開唔開心~!!
點知Courtney 月講到想喊~話: miss x put the tomato sauce on my plate~ I don't want it!
I don't like the tomato sauce~
我問 ,班老師，係唔係有呢件事, 佢話佢有點響小朋友既碟邊，但冇迫佢食, 係有叫佢試~
呁我話, 但我囡有對茄汁敏感。會食左出紅疹既~
班中老師表現出驚訝既樣~?!
我心諗: 你來了學校3個月，應該入班前已盡快知邊個細路對咩野敏感喎?!
或上一手老師有交待，又或自己會記住既啦?!
佢表現得好似唔知咁~
其實, 我一直都對呢位老師印象ok, 佢入職都幾主動同我傾計，我囡都好似幾聽佢話。
學生好似幾聽佢話~
但呢件事上, 我真係會有點失望。
第日一早，我有同主任講呢件事，真係希望唔好有下次~
仲有, 今天說, 8 月又加學費了~唉~!!!
No comments:
Post a Comment