驚喜即慶幾粒鐘

今日送大囡返學完畢已10點3 了~~
行過巴士站見到就有車到，我竟然就即慶同妹妹去街~~

當時我只有個細袋，內有碎錢包，key, mobile,tissue, 太陽眼鏡, 半盒提子乾。係咁多~

上到巴士，妹妹已好開心.....落車後...

我地去左間café, 第一次去呢間，以前有經過，但推住b車, 又怕妹妹嘈親人，到時走又唔係, 所以, 一直冇幫襯。

原來呢間café 內既裝修十分之好，坐得都算幾舒服，咖啡幾好，價錢適中，可惜，今次冇影到相。

不過，甜品方面有好大改善空間。
我試過妹妹叫既cupcake, 得個樣靚，蛋糕好乾身，仲唔鬆軟，同我自己整既蛋糕仔真係冇得比~~

果然，自己homemade 係新鮮好多，

唔係話我整得特別好, 而係，我覺得佢呢間係蛋糕仔唔夠新鮮。絕對有理由相信佢已放左好幾天在雪櫃。

我點既opera slice 都合格。

係咁多, 論環境，呢間十分好，服務都好，仲有埋洗手間，有小朋友既話, 食完去一去洗日間洗手各樣會好方便，但佢既蛋糕，應該係order 返來的，我覺得....來飲咖啡，傾吓計好了~~
蛋糕去第二家食~~


不過, 今日響café 我真係好relax...............起碼可以有放鬆既時間。


妹妹乖到, 好幾個人，都讚佢乖~

之後, 去了aldi shopping, 回程等車途中，吃點麵包...回到家再食點東西~~這樣就半天了~